जामनेर जैन इंटरनॅशनल स्कूलमध्ये आदिवासी विद्यार्थ्यांकडे दूर्लक्ष करीत असल्याचा आरोप.. आदिवासी पालक पोहचले नाशिकात
नाशिक दि.१४(प्रतिनिधी): जामनेर तालुक्यातील जैन इंटरनॅशनल स्कूल मध्ये आदिवासी विद्यार्थी व इतर विद्यार्थी यांच्यात भेदभाव करीत असल्याचा आरोप आदिवासी पालकांनी नाशिक येथे कार्यालयात जाऊन प्रत्यक्ष तक्रारीद्वारे केला आहे. या शाळेमध्ये दोन विद्यार्थ्यांमध्ये उच - नीच असा भेदभाव सुरू असल्याचा गंभीर आरोप शालेय प्रशासनावर केला आहे . या गंभीर बाबीकडे तात्काळ वरिष्ठांनी दखल न घेतल्यास जोरदार आंदोलन करू असा इशाराही पालकांनी दिला आहे.या संस्थेबाबत यावल आदिवासी विकास प्रकल्प कार्यालयात वारंवार तक्रार करूनही कोणत्याही प्रकारची दखल न घेतल्याने नाशिक गाठावे लागल्याचे पालकांनी म्हटले आहे. या शाळेतील आदिवासी विद्यार्थ्यांचे ईतरत्र समायोजन करावे अशा प्रकारची मागणी ही त्यांनी केली आहे.
जामनेर तालुक्यातील जैन इंटर नॅशनल स्कुल पडासखेळा येथील इंग्लिश मेडीयम स्कुल मध्ये खाजगी मुले आणि आदिवासी मुलं असे शिक्षण घेत असताना त्यामध्ये एकात्मिक आदिवासी प्रकल्प यावल आदिवासी विभागाकडून इ 1ली ते 10 वी मुलं मुले एकूण 288 विद्यार्थी शिक्षण घेत आहे, परंतु त्याठिकाणी आदिवासी विद्यार्थ्यांना, शैक्षणिक,आरोग्य व स्वच्छता, या सुविधा मिळत असल्याने पालकांनी मागील पाच वर्षापासून वारंवार आदिवासी प्रकल्प यांचाकडे तक्रार करी होते, तरी आदिवासी कार्यालय त्यांना वारंवार नोटीस द्वारे समज दिली,परंतु ते सुधारणा करण्यास तयार नाही. त्याचप्रमाणे खाजगी विद्यार्थी फी देऊन शिकणाऱ्या विद्यार्थ्यांना ते चांगलं प्रकारचं शिक्षण देत आहे,परंतु आदिवासी विद्यार्थ्यांना अजिबात चांगले प्रकारचे शिक्षण दिले जात नाही. मात्र फी सारखीच घेतली जाते तरी यावरून असं दिसतं की आदिवासी विद्यार्थ्यां वरती भेदभाव होताना दिसत आहे
तसेच शिक्षणाचा व आरोग्याचा अधिकार हा आमचा मूलभूत हक्क असल्याने प्रथम समाजाचा विकास झाला तरच देशाचा विकास होईल, आमच्या मुलांच्या भविष्याच्या विचार करून आपण तात्काळ एकात्मिक आदिवासी प्रकल्प यांच्या चौकशी अहवालावर तात्काळ कारवाई करून दुसऱ्या शाळेत समायोजन करावी अशी मागणी करत थेट पालकांनी आदिवासी आयुक्त नाशिक येथे गाठून केली आहे.निवेदन देते प्रसंगी श्री प्रमोद बारेला (उप सरपंच), पालक तुळशीराम बारेला, मोतीराम बारेला,रमोद पावरा, रवीन बारेला, मिरचंद बारेला आदी उपस्थित होते.