शासकीय शालेय मैदानी क्रीडा स्पर्धेत प्रताप विद्या मंदिराची थेट राज्यस्तरावर भरारी.... चार वर्षाची यशाची परंपरा "यश "ने राखली कायम
चोपडा दि.७(प्रतिनिधी)6 नोव्हेंबर 2025 रोजी नाशिक विभाग स्तरीय मैदानी क्रीडा स्पर्धा मीनाताई ठाकरे स्टेडियम हिरावाडी नाशिक या ठिकाणी संपन्न झाल्या .सदर स्पर्धां मध्ये 17 वर्षे मुलांच्या गटात जळगाव जिल्ह्याच्या वतीने हॅमर थ्रो खेळ प्रकारात चोपडा येथील प्रताप विद्यामंदिर चा खेळाडू यश प्रकाश पाटील इ. दहावी या खेळाडूने विभाग स्तरावर सहभाग घेत तब्बल 33.98 मीटर अंतरापर्यंत हॅमर थ्रो करून नाशिक विभागात सर्वात प्रथम क्रमांक मिळवून प्रताप विद्या मंदिराच्या क्रीडा विभागाची गेल्या चार वर्षांपासून ची राज्यस्तरीय स्पर्धांमध्ये सहभागी होण्याची परंपरा कायम राखली.सदर खेळाडूची रत्नागिरी चिपळूण येथे होणाऱ्या राज्यस्तरीय स्पर्धेसाठी निवड झालेली आहे .
विजयी खेळाडूचे संस्थेचे अध्यक्ष, उपाध्यक्ष,चेअरमन, सचिव संस्थेचे सर्व पदाधिकारी, समन्वयक शाळेचे मुख्याध्यापक, उपप्राचार्य, उपमुख्याध्यापक,पर्यवेक्षक,शिक्षक-शिक्षकेतर कर्मचारी तसेच सर्व विद्यार्थी यांनी मनःपूर्वक कौतुक केले.या खेळाडूंना शाळेचे क्रीडाशिक्षक नरेंद्र एन. महाजन सर, व विद्यालयाच्या सर्व माजी खेळाडू यांचे मार्गदर्शन लाभले.