निवडणूक निर्णय अधिकारी श्री. मनिषकुमार गायकवाड यांच्या उपस्थितीत ..चोपडा नगरपरिषद सार्वत्रिक निवडणूक प्रक्रियेसंबंधी मार्गदर्शन
चोपडा,दि.६(प्रतिनिधी) चोपडा नगरपरिषद सार्वत्रिक निवडणूक २०२५ प्रक्रियेसंबंधी अमळनेर उप विभागीय अधिकारी तथा निवडणूक निर्णय अधिकारी श्री. मनिषकुमार गायकवाड यांच्या उपस्थितीत दि.०६/११/२०२५ गुरुवार रोजी दुपारी - ४.०० वाजता छत्रपती शिवाजी महाराज नगरपरिषद सभागृहात पत्रकार परिषद घेऊन सविस्तर माहिती दिली.
मतदार याद्या, नामनिर्देशन पत्र ऑनलाईन भरणे, नामनिर्देशन पत्राची छाननी, नामनिर्देशन पत्र मागे घेणे, निवडणूक लढवणा-या उमेदवारांची यादी प्रसिध्द करणे, मतदान केंद्रे, ईव्हीएम मशिन, बॅलेटचे युनिट, मतदान अधिकारी, नामनिर्देशन पत्र स्विकारणे, निवडणूक लढवणा-या उमेदवारांचा खर्च, आचार संहितेचे पालन आदी विषयांवर मार्गदर्शन केले.
याप्रसंगी प्रास्ताविक मुख्याधिकारी श्री. रामनिवास झंवर यांनी केले. तर सुत्रसंचालन व आभार नगर अभियंता श्री. डिगांबर वाघ यांनी मानले. यावेळी उप मुख्य अधिकारी संजय मिसर,कर निरिक्षक प्रणव पाटील, प्रमोद पाटील , श्री.मोरे आरोग्य अधिकारी दिपाली साळूंके, जयेश भोंगे यांच्यासह विविध राजकीय पक्षांचे प्रतिनिधी उपस्थित होते.