विटनेर जि.प. शाळेत मुख्याधिकारी राहुल पाटील यांच्या हस्ते विद्यार्थ्यांचे स्वागत.. शालेय साहित्य वाटप
चोपडा दि.१७(प्रतिनिधी): आज दिनांक 16 जून 2025 रोजी जि.प. उच्च प्राथमिक शाळा विटनेर येथे इयत्ता पहिली दाखल पात्र नवोगतांचे स्वागत व शाळा प्रवेशोत्सव कार्यक्रम चोपडा न.प.चे मुख्याधिकारी श्री राहुल पाटील, विटनेर गावाचे सरपंच ,उपसरपंच सदस्यगण, तसेच सर्व सदस्य, शाळा व्यवस्थापन समिती अध्यक्ष ,उपाध्यक्ष व सदस्य पालकांच्या उपस्थितीत उत्साहात साजरा झाला.
कार्यक्रमावेळी शालेय गणवेश, बूट, सॉक्स,लेखन साहित्य व मोफत पाठ्यपुस्तक वाटप करण्यात आले. नवोगतांचे स्वागत करण्यात आले. स्वत: मुख्याधिकारी हे प्रभातफेरीत सहभागी झाले होते. माझी शाळा सुंदर शाळा हा उपक्रम आकर्षणाचा मुद्दा ठरला.*
मुख्याधिकारी श्री राहूल पाटील यांनी पहिलीच्या विद्यार्थ्यांशी हितगुज केले व त्यांचा उत्साह वाढवला. शाळेचे मुख्याध्यापक श्री भास्कर धनगर सरांनी शाळेच्या गेल्या वर्षभरातील विकास व गावातील सहकार्याबद्दल माहिती सादर केली.
कार्यक्रमावेळी श्री हेमंत पाटील सरांनी सूत्रसंचालन केले शाळेची योशोगाथा सांगितली श्री.नामदेव अहिरे सरांनी . विद्यार्थ्यांसाठी लेखन साहित्य दिले. शाळेतील शिक्षिका श्रीमती सुनिता श्रीराम गावळ यांनी रांगोळी काढून शालेय परिसर सुशोभित केला तसेच शिक्षण प्रेमी नागरिक व गावकरी या सर्वांच्या सहकार्यामुळे व मुख्याध्यापकांच्या उत्कृष्ट नियोजनामुळे कार्यक्रम यशस्वीपणे पार पडला. शेवटी मुख्याधिकारी राहुल पाटील यांनी कार्यक्रमाबद्दल समाधान व्यक्त केले व सर्व शिक्षक वृंदांचे कौतुक केले.