भगिनी मंडळ व ईनरव्हिल डिस्ट्रिक्ट 303 च्या संयुक्त विद्यमाने कारगिल विजय दिनी.. थेट सीमेवरील जवानांशी संवाद..वेबीनारमध्ये सहभागींंना आली आगळीवेगळी अनुभूती
चोपडा.... दि२७. (प्रतिनिधी.)... कारगिल विजय दिनाच्या निमित्ताने येथील भगिनी मंडळ व ईनरव्हिल डिस्ट्रिक्ट 303 च्या संयुक्त विद्यमाने थेट सीमेवरील कार्यरत असलेल्या सेना दलाच्या जवानांनी आपल्या अनुभव कथनाद्वारे वेबीनारमध्ये सहभागी होत उपस्थितांना आगळी वेगळी अनुभूती दिली.
भगिनी मंडळ संचलित समाज कार्य महाविद्यालयातील माजी विद्यार्थी असलेल्या या सेना दलाच्या कश्मीर च्या गंदरबार जिल्ह्यातील रायफल वुमन पदावर कार्यरत रुपाली धनगर, पेरास्लायडिंग विभागाचे दीपक पाटील, संदीप बडगुजर,बीएसएफ चे जवान खलील तडवी, कोब्रा कमांडर चारुदत्त बडगुजर या पाचही सैनिकांनी आपल्या सीमेवरील व प्रशिक्षण दरम्यानच्या काळात आलेल्या अनुभव व चित्तथरारक माहिती देवून सहभागींना मंत्रमुग्ध केले.. प्रारंभी सैनिक परिचय,प्रस्तावना, या कार्यक्रमाचे संयोजिका डॉ. मोहिनी उपासनी यांनी केले.तर स्वागतपर मनोगत भगिनी मंडळ व ईनरव्हिलतर्फे अध्यक्षा पुनम गुजराथी यांनी केले. वेबीनारमध्ये सहभागी उपस्थितांपैकी ज्येष्ठ पत्रकार अनिलकुमार पालीवाल, सौ.सरला माळी,सौ.भावना गुजराथी,सौ.किरण पालीवाल, सौ.छाया गुजराथी,आदिंनी या उपक्रमाचे कौतुक केले व सैनिकांना त्यांच्या देशसेवा कार्यासाठी शुभेच्छा देत अभिनंदन केले.तसेच संवाद साधत सैनिकांनी सविस्तर माहिती दिली.
कार्यक्रमात सर्वश्री. प्राचार्य ईश्वर सौंदाणकर,ईनरव्हिल डिस्ट्रिक्ट चेअरमन अश्विनी गुजराथी,ईनरव्हिल क्लब सचिव सौ.मीना पोतदार, सीसी सौ.किरण पालीवाल,व शंभराहून अधिक सदस्य व प्रतिनिधी सहभागी झाले होते. आभार प्रदर्शन पूनम गुजराथी यांनी केले.