चोपडा येथे महाराष्ट्र नवनिर्माण विद्यार्थी सेनेची सभासद नोंदणी अभियान संपन्न
चोपडा दि.१३(प्रतिनिधी) चोपडा येथील दादासाहेब सुरेश पाटील कला, वाणिज्य विज्ञान महाविद्यालय येथे महाराष्ट्र नवनिर्माण विद्यार्थी सेनेच्या वतीने टेंट टाकून सभासद नोंदणी अभियान राबविण्यात आले.यावेळी रावेर लोकसभा मनसे विद्यार्थी सेनेचे जिल्हाध्यक्ष कल्पेश पवार यांच्या उपस्थितीत सभासद नोंदणी अभियान सुरू करण्यात आले.विद्यार्थ्यांनी या अभियानाला उत्स्फूर्त प्रतिसाद दिला. मोठ्या संख्येने विद्यार्थ्यांनी सभासद नोंदणी केली.
या अभियानाचे उद्दिष्ट
विद्यार्थ्यांना संघटनेशी जोडणे, त्यांच्या समस्या जाणून घेणे व त्यांच्यात नेतृत्वगुण विकसित करणे हे आहे. महाराष्ट्र नवनिर्माण विद्यार्थी सेना ही विद्यार्थ्यांच्या हक्कांसाठी सदैव कार्यरत राहणार असल्याचे यावेळी सांगण्यात आले.
उपस्थित मान्यवर
मनसे विद्यार्थी सेना रावेर लोकसभा जिल्हाध्यक्ष कल्पेश पवार,मनविसे जिल्हा सचिव विष्णू कोळी,
चोपडा मनविसे तालुका संघटक चेतन पवार,चोपडा तालुका उपाध्यक्ष नितीन कोळी, दिपक पाटील, वैभव चौधरी, योगेश कोळी, भावेश पवार आदी पदाधिकारी उपस्थित होते.
> “विद्यार्थी हे देशाचे भविष्य आहेत. त्यांच्या समस्या सोडविणे आणि त्यांना योग्य दिशा देणे हीच मनसे विद्यार्थी सेनेची भूमिका आहे.”
— *कल्पेश पवार,*
जिल्हाध्यक्ष, लोकसभा मनसे विद्यार्थी सेना