जिल्हाधिकारींनी अनवर्दे बुद्रुक सरपंचाना केले अपात्र .. शासकिय जागेवरील अतिक्रमण व खर्चाचा आदेश नसतांना पैसै काढणे भोवले
गलंगी ता. चोपडा,दि.६(प्रतिनिधी) येथून जवळच असलेल्या अनवर्दे बुद्रुक येथील सरपंचा सखुबाई भिल यांना शासकीय जागेवर अतिक्रमण केल्याच्या व खर्चाचा आदेश नसतांना व्यवहार कारणावरून जिल्हाधिकाऱ्यांनी सरपंच पदावरून अपात्र केल्याचा आदेश काढला आहे.उपसरपंच गणेश शंकर पाटील यांनी एका अर्जान्वये तक्रार दाखल केली होती त्यावर सुनावणी होऊन उपरोक्त निकाल दिला आहे. या निकालाने गावभर प्रचंड खळबळ उडाली आहे.
याबाबत प्राप्त माहिती अशी की, अनवर्दे बुद्रुक गावी सरपंच सखुबाई मंगल भिल यांनी घरामागे शासकीय जागेवरती अतिक्रम घर बांधकाम केले व खर्चाबाबत आदेश नसल्यावरही पैसे वापरण्याच्या कारणांवरून जिल्हाधिकारी यांचेकडे तर उपसरपंच गणेश शंकर पाटील यांनी ग्रामपंचायत विवाद अर्ज क्रमांक १३४/२०२५ दाखल केलेला होता त्यावर दोघं बाजुचे म्हणणे ऐकून घेत तसेच तहसीलदार, गटविकास अधिकारी व भूमी अभिलेख कार्यालयातील संबंधितांच्या अहवालावरून सदरील सरपंच ह्यांनी अतिक्रमण केल्याच्या स्पष्ट झाल्याने जिल्हाधिकारी यांनी महाराष्ट्र ग्रामपंचायत अधिनियम 1959 चे 14ज 3 अन्वये सदरील सौ.सखुबाई भिल यांचे सरपंच पद रद्द केल्याचा आदेश पारित केला आहे. याप्रकरणी अर्जदाराचे मार्फत अॕड.अनिल ए.पाटील यांनी तर सामनेवाला यांच्या कडून अॕड.विश्वासराव आर. भोसले यांनी काम पाहिले.
या आदेशाची प्रत जि.प.मुख्यकार्यकारी अधिकारी चोपडा येथील तहसीलदार व गट विकास अधिकारी यांच्याकडे माहिती साठी पाठवण्यात आले आहे.अशी माहिती अनवर्दे येथील उपसरपंच गणेश शंकर पाटील यांनी आमच्या प्रतिनिधीशी बोलतांना दिली आहे.