चोपडा शिरपुर बायपास रोडवर भीषण दरोडा टळला.. कुख्यात ७ लुटारूंना अटक.. पिस्तूल , तलवारी व धारदार शस्त्रे जप्त

 

चोपडा शिरपुर बायपास रोडवर भीषण दरोडा टळला.. कुख्यात ७ लुटारूंना अटक.. पिस्तूल , तलवारी व धारदार शस्त्रे जप्त

♦️मध्यरात्रीला पोलिस निरीक्षक मधुकर साळवेंनी केली सिंघम स्टाईल कारवाई.. 

♦️चोपड्यातील दोन आरोपींचा समावेश

♦️ नांदेड जिल्ह्यातील आरोपीं अट्टल गुन्हेगार

चोपडा,दि.२७(प्रतिनिधी) शहरातील शिरपूर बायपास रोडवर भीषण दरोडा टाकण्याच्या इराद्यात असलेल्या सात कुख्यात दरोडेखोरांना पोलिसांनी धाडसी कारवाई करत अटक केली आहे त्यांच्याजवळील धारदार शस्त्रे पिस्तूल व इतर साहित्य असा १३ लाखांचे साहित्य जप्त करण्यात आले आहे. विशेष म्हणजे चोपडा शहरातीलच दोन सराईत गुन्हेगारांच्या समावेश असल्याने प्रचंड खळबळ आली आहे. पोलिसांनी वेळीच धाडसी कारवाई केल्याने पुढील अनर्थ टळला आहे. बहुतांश आरोपी नांदेड जिल्ह्यातील असून विविध गुन्हे दाखल असलेले अट्टल गुन्हेगार आहेत जबरी चोरी भीषण दरोडे, विवस्त्र करून लोकांचा छळ, अश्लील व्हिडिओ तयार करून पैसे उकळणे, धारदार शस्त्रे बाळगणे खंडणी, तलवार, पिस्तूल वापरणे असे नामचीन गुन्हे दाखल असलेले हे गुन्हेगार असून काही नुसतेच जेलमधून जामीनावर बाहेर पडलेले असून सदरील आरोपींना पकडण्यात शहर पोलिस ठाण्याचे सिंघम पोलिस निरीक्षक मधुकर साळवे यांची  धाडसी सतर्कता कामी आल्याने पोलिस अधिक्षकांनी धाडसाचे कौतुक केले आहे.
याबाबत अधिक माहिती अशी की,
चोपडा शहरामध्ये शिरपुर बायपास रोडवर एका पांढ-या रंगाच्या गाडीमध्ये संशयीत इसम बराच वेळ थांबलेले असल्याबाबत चोपडा शहर पोलीस स्टेशनचे पोलीस निरीक्षक श्री मधुकर साळवे यांना दिनांक २७/१०/२०२५ रोजी मध्यरात्री ०२-३० वा चे सुमारास गोपनीय बातमी मिळाली. त्याअनुषंगाने तात्काळ पोलीस पथक तयार करून संशयीत गाडीचा शोध घेतला असता रणगाडा चौकाच्या थोडे पुढे, शिरपुर बायपास रोडच्या बाजुला पांढऱ्या रंगाची स्विफ्ट डिझायर चारचाकी कार क्र.MH २६ CH १७३३ ही थांबलेली आढळून आली, सदर गाडीच्या बाहेर दोघेजण लक्ष ठेवून उभे असलेले व पाच जण आतमध्ये बसलेले असे एकुण सात संशयीत इसम मिळून आले. पोलीसांना पाहुन त्यांनी पळून जाण्याचा प्रयत्न केला परंतु पोलीस पथकाने तात्काळ घेराव घालून सदरच्या सातही इसमांना पकडले. सदर इसमांची तसेच त्यांच्या मोबाईल व कारची झडती घेतली असता दोन इसमांच्या कंबरेला लोड करण्यात आलेले गावठी कट्टे मिळून आले. त्याचप्रमाणे गाडीमध्ये दोन तलवारी तसेच एक रिकामे मॅगझीन मिळून आली.
सदर  इसमांची नावे पुढिलप्रमाणे आहेत.१)दिलीपसिंघ हरीसिंघ पवार वय ३२ वर्ष रा. प्लाट नं. ४२१ नाथनगर, नांदेड ता.जि. नांदेड,२) विक्रम बाळासाहेब बोरगे वय २४ वर्षे रा. येवलारोड, विरभद्र मंदीरा जवळ वैजापुर ता. वैजापुर जि. संभाजीनगर
३)अनिकेत बालाजी सुर्यवशी वय २५ वर्षे रा. नवामोंढा, गणेश मंदीर जवळ नांदेड ता.जि. नांदेड. ४)अमनदिपसिंध अवतारसिंग राठोड वय २५ वर्षे रा. मगनपुरा नांदेड ता. जि. नांदेड.५)सद्दाम हुसेन मोहम्मद अमीन वय ३३ वर्षे रा. इतवारा मेस्को रोड, नांदेड ता.जि. नांदेड,
६)अक्षय रविंद्र महाले वय ३० वर्षे रा. भावसार गल्ली चोपडा ता. चोपडा जि. जळगाव,
७) जयेश राजेंद्र महाजन वय ३० वर्ष रा. भाटगल्ली चोपडा ता. चोपडा जि. जळगाव

सदरील संशयीतांबाबत अधिक चौकशी केली असता ते नामचीन गुन्हेगार असल्याचे व त्यांच्यावर यापूर्वी पुढीलप्रमाणे खून, खुनाचा प्रयत्न, दरोडा, जबरी चोरी, दंगल, दहशत माजवणे, अग्निशस्त्रे व तलवार, चॅपर बाळगणे यासारखे गंभीर गुन्हे नांदेड, वैजापुर जि संभाजीनगर, तसेच चोपडा येथे यापूर्वी दाखल असल्याचे निष्पन्न झाले आहे. 

दिलीपसिंग हरीसिंघ पवार याचेवर दाखल गुन्हे-

♦️१) इतवारा पोलीस स्टेशन जि.नांदेड गु.र.नं. ४४६/२०२४ भा.न्या.सं. कलम १४०,११५(२),३५१(३),३५२,३(५) सह भा.ह.का. कलम ४/२५
♦️२) विमानतळ पोलीस स्टेशन नांदेड, गु.र.नं. २३०/२०२० भा.द.वि. कलम ३०७,३२३,५०४,५०६
♦️३) नांदेड ग्रामीण पोलीस स्टेशन नांदेड, गु.र.नं. ४२४/२०१२ भा.द.वि. कलम ३०२,२०१,१२०,३४ सह भा.ह. का. कलम ३/२५.
♦️४) भाग्यनगर पोलीस स्टेशन नांदेड, गु.र.नं. २१८/२००८ भा.द.वि. कलम ३०२,३०७,१२०६(ब), विधीसंघषीत बालक ५) वजीराबाद पोलीस स्टेशन नांदेड, गु.र.नं. १४३/२०१७ भा.द.वि.कलम ११५,१२० (ब) सह भा.ह.का. कलम ४/२५
♦️६) विमानतळ पोलीस स्टेशन नांदेड, गु.र.नं. ३९/२०१५ भा.ह.का. कलम ३/२५,७/२५,४/२५
♦️७) वजीराबाद पोलीस स्टेशन नांदेड, गु.र.नं. २२/२०१८ भा.द.वि. कलम २९४,५०४,३४ सह भा.ह. का. कलम ४/२५.

आरोपी विक्रम उर्फ विकी बाळासाहेब बोरगे याचेवर वैजापुर पोलीस स्टेशन संभाजीनगर गु.र.नं. ५०३/२०२५ भा.न्या.सं. कलम ३१०(४) सह भा. ह. का. कलम ३/२५ दाखल असून सदर गुन्हयामध्ये तो फरार आहे.

अनिकेत बालाजी सुर्यवंशी याचेवर दाखल गुन्हे-
♦️१) भाग्यनगर पोलीस स्टेशन नांदेड, गु.र.नं.१६०/२०२५ भा.न्या. सं. कलम ११८ (२),१९१(२), १९३(३),१९०,३५२,३५१(२). ♦️२) भाग्यनगर पोलीस स्टेशन नांदेड, गु.र.नं. ६५४/२०२४ भा.न्या. सं. कलम १०९.११५ (२), ३५१(३),१८९(२),१८१ (४)१९०
♦️३) शिवानीनगर पोलीस स्टेशन नदिड, गु.र.नं. ५११/२०२४ भा.ह.का. कलम ३/२५.
♦️४) शिवाजीनगर पोलीस स्टेशन नांदेड, गु.र.नं.५०५/२०२४ भा.ह. का. कलम ४/२५
♦️५) धाग्यनगर पोलीस स्टेशन नांदेड, गु.र.नं. ५५८/२०२४ भा.ह.का. कलम ३/२५
♦️६) विमानतळ पोलीस स्टेशन
नांदेड,गुरनं २६९/२०२३ भा.द.वि.कलम३०७,३२३,३३६,१४३,१४७,१४८,१४९,५०४,५०६ भा.ह.का. कलम ४/२५.
♦️७) अर्धापुर पोलीस स्टेशन नांदेड, गु.र.नं. २५७/२०२३ भा.द.वि. कलम १४३,१४७,१४९,३०७,३९५,३२३,५४,५०६ भा.ह. का. कलम ४/२५.
♦️८) विमानतळ पोलीस स्टेशन नांदेड, गु.र.नं. १५२/२०२३ भा.ह.का. कलम ३/२५.
♦️९) मरखेल पोलीस स्टेशन नांदेड, गु.र.नं. ९१/२०२३ भा.ह. का. कलम ३/२५.
१०) शिवाजीनगर पोलीस स्टेशन ♦️नांदेड, गु.र.नं. ५०/२०२३ भा.ह.का. कलम ४/२५, मपोका कलम १३५.
♦️११) विमानतळ पोलीस स्टेशन नांदेड, गु.र.नं. २८/२०२३ म.जू.का. १२ (अ).
♦️१२) भाग्यनगर पोलीस स्टेशन नांदेड, गु.र.नं. ३४२/२०२२ भा.ह. का. कलम ४/२५
♦️१३) भाग्यनगर पोलीस स्टेशन नांदेड, गु.र.नं. २४२/२०२२ भा.द.वि. कलम ३८६,५०६,३४, भा.ह.का. कलम ४/२५.
♦️१४) शिवाजीनगर पोलीस स्टेशन नांदेड, गु.र.नं. २८८/२०२० भा.द.वि. ३९४,३९५ भा.ह.का. कलम ३/२५, ४/२५.

अक्षय रविंद्र महाले याचेवर दाखल गुन्हे.
♦️१) चोपडा शहर पोलीस स्टेशन गु.र.नं. १०२/२०१६ भा.द.वि. कलम१४३,१४७,१४९,४३५,४३६,४२७,३२३,३५३,३३२,३३३ वगैरे. ह्य
♦️२) चोपडा शहर पोलीस स्टेशन गु.र.नं. ३७४/२०२१ भा.ह.का. ३/२५, ७/२५.
♦️३) चोपडा दारुबंदी विभाग गु.र.नं. २१/२०२५ दारुबंदी अधिनीयम कलम ६५ (ई).
♦️४) चोपडा दारुबंदी विभाग गु.र.नं. ४०५/२०२५ दारुबंदी अधिनीयम कलम ६५(ई).

चोपडा शहर पोलिसात गुन्हा दाखल व मुद्देमाल जप्त
सदरचे गुन्हेगार अतिशय धोकादायक असुन त्यापैकी दोन आरोपी हे महाराष्ट्र धोकादायक कृत्यांना प्रतिबंध अधिनियम (MPDA) कायद्यान्वयेच्या स्थानबध्दतेमधुन नुकतेच कारागृहातून बाहेर आलेले आहेत. एक आरोपी वैजापुर, जि संभाजीनगर येथील दरोडा व आर्म अॅक्टच्या गुन्हयामध्ये फरार असलेला आहे. चोपडा येथील एका आरोपीवर पूर्वो अग्निशस्त्र बाळगल्याबाबत तसेच दंगल केल्याबाबत गुन्हे नोंद आहेत. सदरचे सर्व ०७ आरोपी हे संगनमताने रस्तालुट व दरोड्याची तयारी करून सशस्त्र स्थितीत एकत्र जमल्याचे निष्पन्न झाल्याने त्यांचेविरूध्द याप्रकरणी चोपडा शहर पोलीस स्टेशन गु.र.नं ५८१/२०२५ भा.न्या.सं. कलम ३१० (४),३१०(५), सह शस्त्र अधिनियम १९५९ चे कलम ३/२५, ४/२५ सह महा. पोलीस कायदा कलम ३७(१) (३) चे उल्लंघन कलम १३५ प्रमाणे नोंद करण्यात आला असुन आरोपींना अटक करण्यात आले आहे व त्यांच्याकडे मिळुन आलेले गावठी पिस्टल, तलवारी, मोबाईल फोन, रोख रक्कम, चारचाकी गाडी असा एकुण १३,१०,०००/- रुपये किंमतीचा मुद्देमाल जप्त करण्यात आलेला आहे. आरोपीतांना रिमांडकामी न्यायालयात हजर करण्यात येत आहे.आरोपीतांबाबत केलेल्या तपासामध्ये दिसून आले आहे की, नांदेड येथे सदर आरोपीतांची अतिशय दहशत असून लोकांना शस्त्रांचा धाक दाखवून खंडणी वसूल करणे, खंडणीसाठी अपहरण करणे, विवस्त्र करून लोकांचा छळ करणे व त्याचे व्हिडीओ तयार करून ते इतर लोकांना दाखवुन त्यांना घाबरवणे असे कृत्ये करत असल्याचे दिसून येत आहे. त्याबाबत सखोल तपास चालू आहे.
यांनी केली धडक कारवाई
सदरची कारवाई जिल्हा पोलीस अधिक्षकश्री महेश्वर रेड्डी,  , अपर पोलीस अधिक्षक श्रीमती कविता नेरकर, उपविभागीय पोलीस अधिकारी श्री अण्णासाहेब घोलप यांच्या मार्गदर्शनाखाली चोपडा शहर पोलीस निरीक्षक श्री मधुकर साळवे, सहाय्यक पोलीस निरीक्षक श्री एकनाथ भिसे, पोहेको  हर्षल पाटील, पोहेको  संतोष पारधी, पोहेको ज्ञानेश्वर जवागे, पोको  अमोल पवार, पोकों मदन पावरा, पोकों/ रविंद्र मेढे, पोका  माली पोको  विनोद पाटील, चालक पोहेकों/ किरण धनगर, पोकों  योगेश पाटील, पोको  प्रकाश टाकरे यांनी पार पाडली असुन गुन्हयाचा तपास वरिष्ठांच्या सुचनांप्रमाणे पोलीस उपनिरीक्षक चेतन परदेशी हे करीत आहेत.