दुचाकीचा भीषणअपघात दोघे तरुण जागीच ठार.. मामलदे गावासह परिसरात शोककळा
चोपडा दि.१६( प्रतिनिधी ): चोपडा शहरातील कामे आटोपून मामलदे येथे दुचाकीने जात असतांना समोरून भरधाव वेगात येणाऱ्या अज्ञात चारचाकी वाहनाने कट मारल्याने दुचाकी समोर ठोकली जाऊन झालेल्या गंभीर अपघातात अमोल ज्ञानेश्वर पाटील (वय-२५) व पृथ्वीराज चंद्रकांत पाटील (वय-२३) हे दोघे तरुण जागीच ठार झाल्याची घटना चोपडा-मामलदे फाटाच्या दरम्यान दि.१६ ऑक्टोबर रोजी संध्याकाळी ६ वाजेच्या सुमारास घडली.दरम्यान अपघाताच्या घटनेने मामलदे परिसरात शोककळा पसरली आहे.
अपघाताची माहिती मिळताच मामलदे,चुंचाळेव चोपडा शहरातील नागरिकांनी घटनास्थळीधाव घेतली.शहर पोलीसांनी तात्काळ घटनास्थळ गाठून अपघातातील दोघा तरुणांना उपजिल्हा रुग्णालयात उपचारासाठी दाखल केले परंतुतपासणी अंती डॉक्टरांनी दोघांना मृत घोषित केले.यावेळी शहरातील व मामलदे आदी गावातील शेकडो नागरिकांनी उपजिल्हा रुग्णालयात येऊन तोबा गर्दी केली अपघाताच्याबातमीने सर्वांना गहिवरून आले.पोना.महेंद्र साळुंखे व पोलीस कर्मचारी उपजिल्हा रुग्णालयात पंचनाम्याचे काम सुरू आहे.