शिवसेना ठाकरे गटाचे अधिकृत उमेदवार प्रभाकर आप्पा सोनवणे यांचा नामांकन अर्ज दाखल.. माजी विधानसभा सभापती अरुण गुजराथी, माजीआ. कैलास पाटील यांची खास उपस्थिती
चोपडा दि.२९(प्रतिनिधी):चोपडा विधानसभा मतदारसंघात शिवसेना ठाकरे गटाकडून राजू तडवी यांची उमेदवारी देण्यात आली होती. मात्र, काल राजू तडवी यांच्याऐवजी प्रभाकर गोटू सोनवणे यांना उमेदवारी जाहीर करण्यात आली आहे. त्यांना कालच मातोश्रीवर एबी फॉर्म देखील देण्यात आला होता त्यानुषंगाने आज शिवसेना ठाकरे गटाकडून अधिकृत उमेदवार प्रभाकर सोनवणे यांनी आपल्या कार्यकर्त्यांच्या साक्षीने शक्तीप्रदर्शन करत उमेदवारी अर्ज दाखल निवडणूक निर्णय अधिकारी गजेंद्र पाटोळे यांच्याकडे सादर केले. यावेळी उबाठा पक्षाचे लोकसभा संपर्कप्रमुख विजय परब,माजी विधानसभा सभापती अरुणभाई गुजराथी, माजी आमदार कैलास पाटील, माजी आमदार दिलीप सोनवणे, इंदिराताई पाटील यांच्यासह दिग्गजांनी हजेरी लावली. यावेळी शरद पवार साहेब उध्दव ठाकरे यांच्या मार्गदर्शनाखाली प्रभाकर सोनवणे यांना निवडून आणण्याचा निर्धार व्यक्त केला.यावेळी महाविकास आघाडीतील पदाधिकारी-कार्यकर्ते मोठ्या संख्येने उपस्थित होते.