चोपड्यात भा.कि.संघातर्फे वसुबारस,ग्रामसमितीची घोषणा
चोपडा,दि.२९(प्रतिनिधी )-तालुक्यातील अकुलखेडे शिवारातील श्री यामुनाई गो संवर्धन केंद्र येथे भारतीय किसान संघाच्या वतीने वसुबारस साजरी करण्यात आली. भगवान बलराम प्रतिमा पुजन किसान संघाचे जिल्हा युवा प्रमुख राहुल बारी (जामनेर) यांच्या हस्ते करण्यात आले.यावेळी गाय गो-ह्याचे पुजन देखील बारी यांनी केले.कार्यक्रमाचे अध्यक्षस्थानी तालुकाध्यक्ष अनिल पाटील होते.
तसेच यावेळी भारतीय किसान संघाच्या कार्यपध्दतीबाबत राहूल बारी व माजी जिल्हा कोषाध्यक्ष श्रीकांत नेवे यांनी उपस्थित शेतक-यांना मार्गदर्शन केले.शेतक-यांनी अराजकिय शेतक-यांसाठी चालविलेल्या या संघटनेशी जळून आपल्या अडीअडचणी सोडविण्याचा प्रयत्न करावा.शेतीतील नवनवीन प्रयोग,शेती निगडीत उद्योगधंद्याच्या दृष्टीने किसान संघ देशभर कार्यरत आहे.त्यासाठी शेतकरी बांधवांनी संघटीत होण्याचे आवाहन वक्त्यांनी यावेळी केले.
अकुलखेडे येथे नव्याने स्थापन झालेल्या भारतीय किसान संघाच्या ग्रामसमितीची घोषणा राहूल बारी यांनी केली
याप्रसंगी अकुलखेडे येथील भगवान दगडू महाजन, रवींद्र रघुनाथ महाजन, गोपाल सुखलाल महाजन, राजेंद्र बाबुराव महाजन, अनंत महाजन यांचेसह शेतकरी उपस्थित होते.आभार अनिल पाटील यांनी मानले.