वसुबारस ला संत जगनाडे गो शाळेत 'गो' पूजन
चोपडा दि.२९(प्रतिनिधी): दिनांक 28 ऑक्टोबर 2024 रोजी वसुबारस निमित्त संत जगनाडे जगदीश गोपाल गोशाळा व गो अनुसंधान संस्था चोपडा येथे विविध कार्यक्रम संपन्न झाले. गोमातेला स्नान घालून गोडधोड खाऊ घालून गोमातेची पूजा करण्यात आली.
यावेळी संस्थेचे अध्यक्ष श्री देवकांत के. चौधरी, विश्वस्त सौ. धनश्री देवकांत चौधरी, विश्वस्त सौ. प्रिया सूर्यकांत चौधरी तसेच असंख्य गोप्रेमींनी गोमातेची पूजा करून गोमातेचा आशीर्वाद घेतला. बालगोपालांनी गोमाते जवळ जाऊन वंदन केले. गोमाता राष्ट्रमाता की जय हो. "गोमाता विश्व माता की जय हो" अशा घोषणा देत अनेकांनी गोमातेला आलिंगन देऊन आशीर्वाद घेतले. संस्थेचे संस्थापक अध्यक्ष श्री के.डी. चौधरी यांनी उपस्थितांसमोर गोमातेचे महत्त्व विशद केले. गाईच्या दुधाचे सेवन कराअसा मोलाचा सल्ला दिला.