कोचिंग क्लासेस संघटनेतर्फे १७ गुणवंत शिक्षकांचा सन्मान! :आमदार डॉ सत्यजित तांबे यांच्या हस्ते गौरव
नाशिक,दि.८(प्रतिनिधी): येथील नाशिक जिल्हा कोचिंग क्लासेस संचालक संघटना अर्थात पीसीसीडीए या संस्थेच्यावतीने, शिक्षकदिनाचे औचित्य साधत, शहर व जिल्ह्यातील १७ गुणवंत व समाजकार्यात आघाडीवर असणाऱ्या, क्लासेस संचालक शिक्षकांना , आदर्श शिक्षक पुरस्कार ( एक्सलन्स इन कोचिंग अवॉर्ड ) प्रदान करुन सन्मानित करण्यात आले. रोटरी हॉल येथे संपन्न झालेल्या या सोहळ्यासाठी, पदवीधर मतदार संघाचे आमदार डॉ सत्यजित तांबे, सार्वजनिक वाचनालयाचे अध्यक्ष प्रा दिलीप फडके, सपकाळ नॉलेज हबचे डॉ सचिन हारक, रमेश उपाध्ये हे प्रमुख अतिथी म्हणून उपस्थित होते. प्रास्ताविक व स्वागत संघटनेचे जिल्हाध्यक्ष जयंत मुळे यांनी केले.*
यावेळी बोलताना तांबे म्हणाले की, " अनेक शिक्षक शाळामहाविद्यालयात सर्व्हिसला असून बाहेर खाजगी क्लासेस चालवतात, अनेक कॉलेजेस अवैधरित्या क्लासेसशी टायअप करतात, देशपातळीवरील कार्पोरेट क्लासेसचे अतिक्रमण छोट्या शहरात होत असल्याने अनेक छोटे घरगुती क्लासेस बंद पडत आहेत, कोटामध्ये अनेक विद्यार्थ्यांच्या आत्महत्या वाढल्या आहेत या व अशा क्लासेस संचालकांच्या समस्यांच्या उपाययोजनेसाठी मी विधानपरिषदेत आवाज उठवून, सरकारला याबाबत कारवाई करण्यास भाग पाडेल. " याप्रसंगी , प्रा फडके, डॉ सचिन हारक यांनी आपापली मनोगते व्यक्त केली. सुत्रसंचलन प्रतिभा देवरे यांनी केले तर आभार रविंद्र पाटील यांनी मानले. याप्रसंगी शिवाजीराव कांडेकर, उपाध्यक्ष मुकुंद रनाळकर, अशोक देशपांडे, कैलास खताळे, सांस्कृतिक विभागप्रमुख पवन जोशी, विवेक भोर, प्रमोद गुप्ता, लोकेश पारख, वाल्मीक सानप, पराग घारपुरे, सचिन जाधव, गणेश कोतकर, किशोर सपकाळे, सचिन अपसुंदे, विष्णू चव्हाण आदी पदाधिकारी उपस्थित होते.
*यांचा झाला सन्मान*
कॉलेजरोडच्या हेनरी इंग्लिश स्पीकिंग अकॅडमीचे सरदार हेनरी, सावतानगर येथील जाधव क्लासेसच्या सीमा जयवंत जाधव, शिवाजीनगरच्या दीप कॉमर्स क्लासेसचे इम्रान पटेल, मनमाडच्या सिद्धी क्लासेसच्या भाग्यश्री दराडे, इंदिरानगरच्या सुगम संस्कृतच्या गौरी जोशी, इंदिरानगरच्या चिंतामणी कॉमर्स अकॅडमीचे सहशिक्षक प्रणव कुलकर्णी, रविवार कारंजावरील परांजपे प्रोफेशनल अकॅडमीचे सहशिक्षक कृष्णकुमार वाघ, यश क्लासेस पचवटीचे सहशिक्षक मनीष जोशी, सातपुरच्या तिडकेज् अकौन्टन्सी क्लासेसचे शशिकांत तिडके, मनमाड येथील सय्यद कोचिंग क्लासेसचे इम्रानअली सय्यद, गंगापुररोडच्या जिनियस प्लस एज्युकेअर प्रा लि चे तन्मय जगताप, मनमाडच्या सय्यद कोचिंग क्लासेसचे सहशिक्षक मुब्बशिर रझा खुर्शिद, गंगापुर गांवातील निरंकारी क्लासेसच्या त्रिकुला महेश थोरात, लक्ष्मीनगरच्या कांकरीया अकॅडमीच्या वैशाली रविंद्र कांकरीया, व्दारका येथील स्कॉलर्स हब क्लासेसचे सहशिक्षक राजेश आहेर, डीजीपीनगरच्या कन्सेप्ट लर्निग हबचे किरण पवार, सचिन मोरे.