रोटरी इंटरनॅशनल डिस्ट्रिक प्रांतपाल आशा वेणूगोपाल यांची रोटरी क्लब ऑफ चोपडा भेट
चोपडा,दि.१२ ( वार्ताहर ) - चोपडा रोटरी क्लब करत असलेल्या सामाजिक कार्याचा आढावा घेण्यासाठी दि.८ रोजी प्रांतपाल आशा वेनूगोपाल,सहप्रांतपाल डॉ.राहुल मयूर यांनी रोटरी क्लब ऑफ चोपडा भेट देत दिवसभर कामांची पाहणी केली
सकाळी प्रांतपाल,सह प्रांतपाल यांची रोटरी क्लब ऑफ चोपडा चे अध्यक्ष चेतन टाटीया,मानद सचिव अर्पित अग्रवाल,कोषाध्यक्ष पवन गुजराथी,रोटरी वर्ष २४ - २५ चे अध्यक्ष ईश्वर सौंदांनकर,मानद सचिव भालचंद्र पवार यांच्या सोबत रोटरी क्लब ऑफ चोपडा च्या कामकाजाबद्दल बैठक घेतली,
यात रोटरी क्लब संचालकांनी आपापल्या क्षेत्रातील रोटरी क्लब ऑफ चोपडा तर्फे करण्यात येणाऱ्या व झालेल्या प्रकल्पांबद्दल प्रांतपाल यांना माहिती दिली.यानंतर प्रांतपाल आशा वेणूगोपाल यांनी वेगवेगळ्या प्रकल्पांना भेट दिली
समाज कार्य महाविद्यालयात प्रांतपाल यांच्या हस्ते सॅनिटरी नॅपकिन वेंडिंग मशीन याचे उद्घाटन करून ते रोटरी क्लब ऑफ चोपडाच्या वतीने कॉलेजला देण्यात आली,रोटरी भवनास भेट देऊन वृक्षारोपण करण्यात आले.डीवायएसपी ऋषिकेश रावले उपस्थित होते,याप्रसंगी डायलिसिस सेंटर, हळताळकर हॉस्पिटलला भेट देण्यात आली.
शहरातील आनंदराज पॅलेस इथे मागच्या वर्षी रोटरी क्लब ऑफ चोपडाला भेटलेल्या डिस्ट्रिक अवॉर्ड चेही वितरण प्रांतपाल यांच्या हस्ते करण्यात आले.प्रांतपाल आशा वेनूगोपाल यांनी सर्वांसोबत संवाद साधत,ड्रीम प्रोजेक्ट जसे बांबू लागवड दहावीच्या विद्यार्थ्यांसाठी शैक्षणिक ॲप प्रोजेक्ट आकांक्षा प्रोजेक्ट बूँद,तसेच रोटरीचा मार्फत जास्तीत जास्त लोकांपर्यंत सेवा करण्याचे आवाहन आपल्या मनोगतात केले.कार्यक्रमाचे प्रास्ताविक रोटरी अध्यक्ष चेतन टाटीया सूत्रसंचालन गौरव महाले यांनी तर आभार मानद सचिव अर्पित अग्रवाल यांनी केले.