वेले येथे बंद घराचे कुलूप तोडून चोरी.. गावकऱ्यांनी पकडले चोरट्यांना .. पोलिसांनी चौकशी करून दिले सोडून ..गावभर संताप
चोपडा दि.२०(प्रतिनिधी)-- वेले येथील शिवराम नगर मधील बंद घराचे कुलूप व कडी कोंडा कापून चोरी करण्यात आली चोरटे फोर व्हीलर गाडीतून आले होते गावातील लोकांनी चोरट्यांना पकडून पोलीस पाटील व रात्री गस्त घालणाऱ्या पोलिसांच्या ताब्यात दिले
सविस्तर असे की वेले येथील संतोष सुकलाल कुंभार हे पूर्ण परिवार निजामपूर येथे वीटभट्टीच्या कामानिमित्त गेले होते घरात कोणीही नसल्याचे संधी घेत चोरांनी फोरव्हीलर वर येऊन डल्ला मारण्याच्या कट रचला होता या घराचे कडी कोंडा कटरने कापून घरात शिरल्यावर सामान अस्तव्यस्त करून खालच्या मजल्यावर व वरच्या मजल्यावर जाऊन चोरी केली यावेळी घराच्या मागील बाजूस वासुदेव भिकन पाटील यांच्या लक्षात आल्याने यांनी संतोष शालिक पाटील यांना फोन करून बोलवले असता तोपर्यंत चोरांनी पळ काढला होता परंतु कालच्या दिवशी भरपूर पाऊस झाल्याने त्या टायरच्या निशाणी चोर कुठे गेले असावेत याच्या अंदाज लावून गावातील राम मंदिर चौकात या चोरट्यांना पकडण्यात यश आले त्यांना पोलीस पाटील आबाजी पाटील यांच्यासमोर पोलिसांच्या ताब्यात देण्यात आले होते परंतु पोलिसांनी चौकशी करून या दोघं चोरट्यांना सोडून दिल्याने वेले गावातील नागरिक हे संताप व्यक्त करत होते संतोष सुकलाल कुंभार यांच्या घरातून चांदीचे काही दागिने व पंधरा ते सोळा हजार रुपये रोख अशा पद्धतीची चोरी झाली आहे चोरटे हे फोरव्हीलर एम एच 46 पी 26 09 या गाडीने चोरटे रात्री दोन वाजेच्या सुमारास आले होते वरील माहिती वासुदेव पाटील संतोष पाटील व बीआरएस कार्यकर्ते दीपक पाटील यांनी पत्रकारांना दिली यावर पोलीस निरीक्षक के.के. पाटील यांना विचारले असता यांनीही दुजोरा दिला आहे.