चोपड्यात महावीर कॉलनीत ७ ते ८ दरोडेखोरांचा दरोड्याचा प्रयत्न.. सुदर्शन कॉलनीत चक्क कापली लोखंडी खिडकी
चोपडा दि.१८(प्रतिनिधी): शहरातील महावीर नगरात दरोडेखोरांनी घरफोडीचा प्रयत्न केला असून त्यांच्या हातातील बॅटरीच्या चे उजेड खिडकीवर पडताच घरातील व्यक्तीने जोरात आरडाओरडा केल्याने चोरट्यांनी पळ काढला.हत्यारासह लूटारू मोठ्या संख्येने असल्याने शहरभर प्रचंड भिती निर्माण झाली आहे.दरम्यान शेजारीच असलेल्या सुदर्शन कॉलनीतील एका घराची लोखंडी गज असलेली खिडकी कापून घरातील कपाट तोडले आहे मात्र घरात काहीच नसल्याने त्यांना खाली परतावे लागले आहे.
दरम्यान महिनाभरापासून चोपडा शहरात पोलिसांच्या हातावर तुरी देत चोरट्यांनी धुमाकूळ घातला आहे.जवळपास ५ धाडसी चोऱ्या केल्यानंतर ते काल मध्यरात्रीच्या सुमारास साधारण २:०० वाजेच्या ७ ते८ धिप्पाड लूटारू हत्यारासह सीसीटीव्ही कॅमेऱ्यात कैद झाले आहेत.दरम्यान शहर पोलिस स्टेशनचे पोलीस निरीक्षक के.के.पाटील यांनी पोलिस पथकासह सीसीटीव्ही फुटेज ताब्यात घेतले असून सुदर्शन कॉलनीत खिडकी तोडून चोरी करण्याच्या प्रयत्नात असलेल्या घटनास्थळी भेट देऊन पाहणी केली आहे.याबाबत दुपारपर्यंत कोणताही तक्रारदार तक्रारीसाठी पुढे आलेला नसल्याचे समजते.