*माजी नगरसेवक सुरज देसले यांच्या मागणीची दखल.. काटेरी झाडे झुडपे काढण्यास सुरुवात*
शिंदखेडा दि.२२(प्रतिनिधी)भाजपा युवा मोर्चा विद्यार्थी आघाडी जिल्हाध्यक्ष तथा माजी नगरसेवक सुरज देसले यांनी रस्त्यावरील काटेरी झाडे-झुडपे काढण्यासाठी सातत्याने पाठपुरावा केला असता प्रशासनाने गांभीर्याने घेऊन रस्त्यात येणारे काटेरी झाडे-झुडपे काढायला झाली सुरुवात केली आहे
शिंदखेड्यातील काही रस्त्यावर मोठया प्रमाणात वाहनांची , विद्यार्थ्यांची व पायी जाणाऱ्या नागरिकांची वर्दळ असते. रस्त्यालगत काटेरी झाडे झुडपे मोठया प्रमाणावर वाढलेले असल्याने झाडाच्या फांद्या रस्त्यावर आल्याने समोर येणार वाहन दिसत नसल्याने अपघात देखिल होत होते , म्हणूनच प्रशासनाकडे मा.नगरसेवक सुरज देसले यांनी रस्त्यावर येणारे काटेरी झाडे झुडपे काढावे अशी मागणी केली होती. म्हणूनच जे.सी.बी च्या सहाय्याने काटेरी झाडे झुडपे काढायला सुरुवात झाली असल्याने देसले यांच्यावर नागरिकांनी जोरदार अभिनंदन केले आहे