कॉलेजच्या अल्पवयीन तरुणीला जिवे मारण्याची धमकी देणाऱ्या 'मजनू' स जेलची हवा..चोपडा पोलिसांत गुन्हा दाखल..
चोपडा दि.२८(प्रतिनिधी): *शहरातील अल्पवयीन महाविद्यालयीन विद्यार्थीनींला प्रेम संबंध ठेवण्यासाठी बळजबरी करत' संबंध ठेव नाहितर ठार मारीन 'अशी धमकी देणाऱ्या तरुणांला पोलिसांनी अटक करून जेलची हवा दाखविली आहे.
चोपडा येथील अल्पवयीन मुलगी असल्याचे माहिती असून देखील वेळोवेळी तिचा पाठलाग करुन प्रेमसंबंध निर्माण करण्यास तिच्यावर दडपण टाकून खूनासह बदनामीची धमकी देणा-या तरुण सागर दगडू पाटील रा. मल्हारपुरा चोपडा यांच्या विरुद्ध तक्रार दिल्यावरून विविध कलमानुसार चोपडा शहर पोलिस स्टेशनला गुन्हा दाखल करण्यात आला आहे.
चोपडा येथील महाविद्यालयात शिक्षण घेणा-या सतरा वर्षाच्या अल्पवयीन तरुणीचा अनेक दिवसांपासून सागर पाटील हा वेळोवेळी पाठलाग करत होता. तिच्या मोबाईल क्रमांकावर तो वेळोवेळी संपर्क साधून तिला बळजबरी प्रेमसंबंध निर्माण करण्यास हैरान करत होता. प्रेमसंबंध ठेवले नाही तर दिड महिण्यापुर्वी घडलेल्या ऑनर किलिंग घटनेप्रमाणे तुझा खून करुन टाकेन तसेच सोशल मिडीयावर तुझी बदनामी करेन अशी धमकी देत तिचा हात पकडून तुला माझ्यासोबत लग्न करावेच लागेल अशी गळ त्याने घातली. तिच्या मनाला लज्जा वाटेल असे गैरकृत्य करत चापटांनी मारहाण केल्याने संतप्त अल्पवयीन तरुणीने त्याच्याविरुद्ध तक्रार दिल्याने चोपडा शहर पोलिसात ३५४ (३) ३२३, ५०६, सह पोक्सो कलम १२ प्रमाणे चोपडा पोलिस ठाण्यात गुन्हा दाखल केला आहे. पुढील स.पो.नि. अजित सावळे करत आहेत.