शिपाई सुध्दा घेतायं लाच..!संजय गांधी निराधार योजनेअंतर्गत अनुदान मिळवून देण्यासाठी ५ हजारांची लाच घेतांना रंगेहाथ ..
चोपडा दि.28 जुलै (प्रतिनिधी)- संजय गांधी निराधार योजनेअंतर्गत अनुदान मिळवून देतो अशी बतावणी करीत रु. 2000/- ची लाच घेतांना मगन गोमा भोई, वय - 52, शिपाई, तहसिलदार संजय गांधी योजना, अ वर्ग नगरपालिका क्षेत्र कार्यालय, जळगाव वर्ग-4, रा. वाघ नगर, जळगाव. ता. जि. जळगांव यांस लाचलुचपत प्रतिबंधक विभागाने रंगेहाथ पकडले.
याबाबत सविस्तर वृत्त असे की, तक्रारदार या घटस्फोटीत असून त्यांची आई विधवा असल्याने त्यांनी तहसिलदार संजय गांधी योजना, नगरपालिका क्षेत्र कार्यालय, जळगाव येथे रितसर संजय गांधी निराधार अनुदान योजनेखाली अर्थसहाय्य मिळणेकामी अर्ज सादर केलेला होता व त्याबाबतची पोचपावती घेतलेली होती. नंतर बराच कालावधी झाल्याने तक्रारदार संबंधीत कार्यालयात अनुदान मंजुरीबाबत विचारपुस करायला गेले असता सदर शिपाई यांनी तक्रारदार यांना सांगितले की, मी तुमचे व तुमच्या आईचे नावे अनुदान मंजुर करून आणुन देतो असे सांगुन त्यामोबदल्यात शासकीय फि व्यतिरीक्त तक्रारदार यांचेकडे पंचासमक्ष स्वतः साठी प्रथम 5,000/- रुपये त्यात तक्रारदार यांच्या आईचे अनुदान मंजुर करुन आणुन देणेसाठी 3,000 /- रु व स्वतः तक्रारदार यांचे अनुदान मंजुर करून आणुन देणेसाठी 2,000/ असे एकुण 5,000 / रुपये लाचेची मागणी केली व तडजोडीअंती तक्रारदार यांचे व त्यांच्या आईचे असे प्रत्येकी 2,000/-रुपयेप्रमाणे एकुण 4.000/- रू लाचेची मागणी केली. त्यापैकी प्रथम आईचे अनुदान मंजुर करुन आणुन देण्यासाठी 2,000/-रु. लाच रकमेची मागणी करून ती लाच रक्कम आलोसे यांनी स्वतः पंचासमक्ष तहसिलदार संजय गांधी योजना महानगरपालिका क्षेत्र कार्यालय, जळगाव येथे स्वीकारली म्हणून गुन्हा दाखल करण्यात आला.
सदर कारवाई नाशिक परिक्षेत्र लाचलुचपत प्रतिबंधक विभागाचे पोलीस अधिक्षक सुनिल कडासने, अप्पर पोलीस अधिक्षक एन. एस. न्याहळदे, वाचक पोलीस उपअधीक्षक सतीश डी. भामरे यांच्या मार्गदर्शनाखाली पोलीस उपअधीक्षक शशिकांत एस. पाटील, पोलीस निरीक्षक संजोग बच्छाव, एन. एन. जाधव, स. फौ. दिनेशसिंग पाटील, स. फौ. सुरेश पाटील, पो.हे. कॉ. अशोक अहीरे, पो. हे. कॉ. सुनिल पाटील, पो. हे. कॉ. रविंद्र घुगे, म. पो.हे.कॉ. शैला धनगर, पो.ना. मनोज जोशी, पो.ना. जनार्धन चौधरी,पो.ना. सुनिल शिरसाठ, पो.ना. बाळू मराठे, पो. कॉ. प्रविण पाटील, पो.कॉ. महेश सोमवंशी,पो.कॉ. नासिर देशमुख, पो. कॉ. ईश्वर धनगर पो.कॉ.प्रदिप पोळ, पो. कॉ. राकेश दुसाने, पो. कॉ. सचिन चाटे, पो.कॉ. प्रणेश ठाकुर, पो. कॉ. अमोल सुर्यवंशी आदिंच्या पथकाने केली.