चोपडा महाविद्यालयातील जुलै 2022 एचएससी परीक्षा बैठक व्यवस्था
चोपडा दि.१९(प्रतिनिधी): महाराष्ट्र राज्य माध्यमिक व उच्च माध्यमिक शिक्षण मंडळाची जुलै 2022 ची बारावीची परीक्षा ( दि.21 जुलै 2022 ते 12 आॕगस्ट2022 ) शहरातील महात्मा गांधी शिक्षण मंडळ संचलित कला, शास्त्र व वाणिज्य महाविद्यालयात (केंद्र क्रमांक 965) होत असून 12 वी कला, वाणिज्य व विज्ञान वर्गांच्या विद्यार्थ्यांची बैठकव्यवस्था महाविद्यालयातील ज्युनियर काॕलेज इमारतीत करण्यात आलेली आहे . सकाळ सत्राचा पेपर10.30 ते 1.30 व दुपार सत्राचा पेपर 3.00 ते 6.00 या वेळेत होईल मात्र सकाळ सत्रातील विद्यार्थ्यांनी 10.00 वाजता व दुपार सत्रातील विद्यार्थ्यांनी 2.30 वाजता केंद्रात हजर असावे. परीक्षार्थीकडे परीक्षेचे हाॕलतिकिट, स्वतःचे सॕनिटाईझर , मास्क व पाण्याची बाटली असणे आवश्यक आहे. तणावविरहित व काॕपीमुक्त वातावरणात परीक्षार्थिंनी परीक्षेला सामोरे जाण्याचे आवाहन महाविद्यालयाचे प्राचार्य डाॕ. डी ए सूर्यवंशी व कनिष्ठ महाविद्यालयाचे उपप्राचार्य तथा केंद्रसंचालक बी एस हळपे यांनी केले आहे.