केतकी चितळे व ऍड.नितीन भावे वर कारवाई करा.. पाचोरा राष्ट्रवादी महिला आघाडीची मागणी
पाचोरा दि.१८ (तालुका प्रतिनिधी राजेंद्र खैरनार):देशाचे नेते, राष्ट्रवादी काँग्रेस पार्टीचे अध्यक्ष मा. शरद पवार साहेबांच्या विरोधात अत्यंत घाणेरडे, महाराष्ट्राच्या राजकीय संस्कृतीला न शोभणारी अभंग सदृष्य पोस्ट केतकी चितळे नामक एका विकृत अभिनेत्रीने सोशल मीडियावर केलेली आहे.त्या पोस्ट चा लेखक ऍड.नितीन भावे आहे.पाचोऱ्यात निषेध करण्यात आला आहे.
.शरद पवार साहेबांचे राजकीय, सामाजिक, सांस्कृतिक क्षेत्रामध्ये भरीव योगदान आहे.या योगदानामुळे भारतभर त्यांना सर्वपक्षीय नेत्यांमध्ये आदराचे स्थान आहे. त्यांच्यावर बाळासाहेब ठाकरें सारख्या टीकाकारांनी टीकाही केली नाही मात्र त्यांच्या आजारा बद्दल अत्यंत विकृत स्वरूपाचे लिखाण तुकाराम महाराजांचे नाव घेऊन केले गेलेले आहे. हा फक्त मा. शरद पवार साहेबांचा अपमान नाही तर सामाजिक, राजकीय, सांस्कृतिक क्षेत्रात ज्या ज्या लोकांनी आपले संबंध आयुष्य घालवले आहे त्यांचा अपमान आहे. त्यामुळे केतकी चितळे हिला व सोशल मीडियामध्ये प्रसारित केलेला अभंग सदृश्य मजकुराचा लेखक ऍड.नितीन भावे याला अटक करून कारवाईची मागणी पाचोरा येथे पोलीस स्टेशन येथे निवेदन देऊन केली.
निवेदन देते प्रसंगी सुचेताताई वाघ (नगरसेविका), ज्योती ताई वाघ (गटप्रमुख) श्रीमती रेखाताई देवरे (तालुकाध्यक्ष), सौ सुनिता देवरे (शहराध्यक्ष), डॉक्टर. प्रा. सुनीता मांडोळे,जयश्रीताई मिस्त्री, जयश्री ताई हिरे, अनिता ताई देवरे,प्रा.वैशाली बोरकर सामजिक न्याय तालुकाध्यक्ष आशाताई जोगी,सीमाताई साईजान,सरलाताई पाटील,माधुरीताई सिमाजाण, शांतीताई सिमाजाण, सुनैना सिमाजाण, आदी पाचोरा येथील राष्ट्रावादीच्या महिला भगिनी उपस्थित होत्या.