बोगस विस्तार अधिका-यांना जिल्हा परिषद रत्नागिरी प्रशासन पाठीशी घालते आहे: सुशिलकुमार पावरा*.. 2 लाख दंड तरी जिल्हा परिषद रत्नागिरी प्रशासन गप्प* चौकशी अहवालात दोन्ही शिक्षण विस्तार अधिकारी दोषी*शिक्षक सुशिलकुमार पावरा यांचे 171 वे उपोषण*
रत्नागिरी दि.२९(प्रतिनिधी):दोषी,भ्रष्टाचारी,बोगस अपंग प्रमाणपत्र धारी व षडयंत्र कारी श्री. विजय दाजी बाईत तत्कालीन शिक्षण विस्तार अधिकारी दापोली व बोगस डिग्री धारक व दोषी श्री.नंदलाल कचरू शिंदे तत्कालीन शिक्षण विस्तार अधिकारी दापोली या दोन्ही बोगस विस्तार अधिका-यांना सेवेतून बडतर्फ करा व माझी उर्वरीत 2 मूळ कागदपत्रे 2 लाख दंडाच्या रकमेसह परत करा तसेच 28 मागण्यांच्या तात्काळ पूर्तता करा .या मागणी साठी जिल्हा परिषद आदर्श शाळा सुकदरचे शिक्षक सुशिलकुमार पावरा यांनी आपले 171 वे उपोषण दापोली येथे पुन्हा सुरू केले आहे. उपोषणाचे निवेदन तहसीलदार दापोली व गटविकास अधिकारी पंचायत समिती दापोली यांना दिले आहे.
निवेदनात म्हटले आहे की, श्री. विजय दाजी बाईत शिक्षण विस्तार अधिकारी दापोली हे जिल्हा बदली शिक्षकांकडून प्रत्येकी 22,000/ रूपये घेणे,कामाच्या बदल्यात आर्थिक मागणी करणे,स्वत:कुठल्याही प्रकारे अपंग नसून खोटे अपंग प्रमाणपत्र मिळवून अनेक शासकीय योजनांचा लाभ घेऊन शासनाची फसवणूक करणे, षडयंत्र प्रकरणात स्वत:ला वाचविण्यासाठी आदिवासी शिक्षकांकडून स्वत लिहून ठेवलेल्या पत्रावर व बान्ड पेपरवर जबरदस्तीने दमदाटी करून सह्या करवून घेणे,जाणीवपूर्वक शिक्षकांचा पगार न काढणे इत्यादीं गंभीर प्रकरणात दोषी ठरले आहेत. तसा चौकशी अहवाल मा.गटविकास अधिकारी दापोली, मा.गटविकास अधिकारी गुहागर, मा.शिक्षण विस्तार अधिकारी जिल्हा परिषद रत्नागिरी या त्रिसमीतीय सदस्य समितीने दिनांक 04/10/2018 रोजी मा.मुख्य कार्यकारी अधिकारी जिल्हा परिषद रत्नागिरी यांना सादर केलेला आहे. त्यांच्या विरोधातल्या दिनांक 04/07/2018 व दिनांक 29/10/2018 रोजीच्या दोन्ही चौकशीत चौकशी समितीने विजय दाजी बाईत यांना दोषी ठरवले आहे. विजय दाजी बाईत यांच्या विरोधातल्या 04/07/2018 रोजीच्या चौकशीच्या अनुषंगाने श्री. महेश जोशी तत्कालीन उपशिक्षणाधिकारी जिल्हा परिषद रत्नागिरी यांच्या सह काही मंत्री व शिवसेनेच्या राजकीय पदाधिकारी, समाजकंटक,पालकामार्फत श्री. विजय दाजी बाईत यांनी माझ्या विरोधात मोठे षडयंत्र रचून बनावट व खोट्या गुन्ह्यात अडकवले.सदर बनावट पणा चौकशी अहवालात व वृत्तपत्रांतील बातम्यांद्वारे समोर आला आहे. सदर षडयंत्रात प्रामुख्याने विजय दाजी बाईत शिक्षण विस्तार अधिकारी दापोली, महेश जोशी तत्कालीन उपशिक्षणाधिकारी,एकनाथ आंबोकर तत्कालीन शिक्षणाधिकारी,नंदलाल शिंदे शिक्षण विस्तार अधिकारी दापोली यांच्या सह मंत्री शिवसेनेच्या पदाधिकारी यांचा समावेश आहे. सदर दोषी अधिका-यांना राजकीय पदाधिकारी पाठीशी घालत असल्यामुळे अद्याप कारवाई होत नाही.
श्री. नंदलाल कचरू शिंदे तत्कालीन शिक्षण विस्तार अधिकारी दापोली यांची आग्रा विद्यापिठाची डिग्री शिक्षण विस्तार अधिकारी पदाधिकारी अवैद्य ठरविण्यात आली आहे. तसा चौकशी अहवाल तत्कालीन माध्यमिक शिक्षणाधिकारी रत्नागिरी यांनी दिलेला आहे. तसेच नंदलाल शिंदे हे महिला कर्मचा-यांचा छळ करणे,अनेक शिक्षकांना त्रास देणे व बोगस डिग्रीत दोषी ठरले असून त्यांना सेवेतून निलंबित करण्यात आले होते. अशा बोगस व वादग्रस्त दोन्ही शिक्षण विस्तार अधिकारी यांना सेवेतून बडतर्फ करावे, माझी 2 मूळ कागदपत्रे 2 लाख दंडाच्या रकमेसह परत करावे,अशा एकूण 28 मागण्यांसाठी मी दिनांक 28 डिसेंबर 2021 ते दिनांक 6 जानेवारी 2022 पर्यंत सकाळी 11.00 ते सायंकाळी 5.00 वाजेपर्यंत दापोली जिल्हा रत्नागिरी येथे माझे 171 ते 180 वे उपोषण करीत आहे.
माझ्या प्रकरणात जिल्हा परिषद रत्नागिरीला 2 लाख दंड ठोठावण्यात आला आहे. संबंधित बोगस विस्तार अधिका-यांची चौकशी होऊन त्यांना दोषी ठरविण्यात आले आहे. तरी जिल्हा परिषद रत्नागिरी प्रशासन हे बोगस विस्तार अधिका-यांना पाठीशी घालत आहे.जोपर्यंत बोगस विस्तार अधिका-यांवर कारवाई होऊन मला न्याय मिळत नाही तोपर्यंत मी आपले उपोषणाचे सत्र सुरूच ठेवणार आहे, अशी प्रतिक्रिया उपोषणकर्ते शिक्षक सुशिलकुमार पावरा यांनी दिली आहे.