*अहो हरामखोराने फासला नात्यालाच काळीमा.. अल्पवयीन माम बहिणीला केले प्रेग्नंट.. दवाखान्यात डॉक्टरांनी केला घटनेचा उकलं ..*
जळगाव दि.१८ ( प्रतिनिधी)तालुक्यातील एका गावात तोंडाला रुमाल तसेच हातपाय बांधून 14 वर्षीय मुलीवर तिच्याच सख्ख्या आतेभावानेच अत्याचार केल्याची नात्याला काळीमा फासणारी घटना गुरुवारी उघडकीस आली आहे. याप्रकरणी एमआयडीसी पोलीस ठाण्यात गुन्हा दाखल होवून संशयित आतेभावाला अटक करण्यात आली आहे.
पोलिसांकडून मिळालेली माहिती अशी की, जळगाव तालुक्यातील एका गावात मे ते जून 2021 या दरम्यान एके दिवशी पीडितेचे आई, वडील शेतात गेलेले असताना गावातच राहणारा पीडितेचा आतेभाऊ दुपारी घरी आला. घरी एकट्या असलेल्या पिडीत अल्पवयीन मुलीच्या तोंडाला रुमाल व तिचे साडीने हातपाय बांधून अत्याचार केला. या घटनेची कुठे वाच्यता केली तर मारुन टाकण्याची धमकी दिली. त्यामुळे पीडितेने भीतीपोटी कोणालाच सांगितले नाही.
गेल्या आठ दिवसापासून पिडीतेला उलट्यांचा त्रास होत असल्याने गुरुवारी आईने जिल्हा रुग्णालयात मुलीला उपचारासाठी आणले असता ती गर्भवती असल्याचे डॉक्टरांनी सांगितले. हे ऐकून आईला जबर धक्का बसला. याबाबत तिला आईने विश्वासात घेऊन विचारणा केली असता मुलीने झाल्याप्रकाराची माहिती दिली. या घटनेनंतर महिलेने पती व मुलीला घेऊन एमआयडीसी पोलीस ठाणे गाठून संपूर्ण घटनाक्रम सांगितला. पोलीस निरीक्षक प्रताप शिकारे यांनी घटनेचे गांभीर्य लक्षात घेता तक्रारीची वाच्यता न होऊ देता तातडीने संशयिताच्या अटकेसाठी पथक रवाना केले. सायंकाळी एका गावातून त्याला ताब्यात घेतले