आमदार प्रा. चंद्रकांत सोनवणे व सौ.लताताई सोनवणे यांच्या प्रयत्नांतून चौगाव विजयगड किल्ला विकासासाठी २ कोटींचा निधी मंजूर..चोपड्याच्या पर्यटनात आणखीन एक नव्याने भर*
चोपडा दि.३१(प्रतिनिधी) : चोपडा विधानसभेचे कार्यसम्राट आमदार प्रा.चंद्रकांत सोनवणे व माजी आमदार सौ. लताताई सोनवणे यांच्या प्रयत्नातून महाराष्ट्र शासनाच्या प्रादेशिक पर्यटन योजना सन२०२५-२०२६ अंतर्गत विजयगड (त्रिवेणी गड) चौगाव,ता.चोपडा,जि.जळगांव येथील पर्यटन विकासासाठी २ कोटी रुपयांचा निधी शासनाकडून मंजूर करण्यात आला असून लवकरच विजयगड चौगाव ता.चोपडा येथील किल्ल्याच्या परिसरातील विकासाला चालना मिळणार आहे. यासाठी आ. प्रा. चंद्रकांत सोनवणे यांनी पर्यटनमंत्री शंभुराज देसाई साहेब यांचेकडे पाठपुरावा करुन हा निधी मंजुर केला आहे.
चौगाव येथील हा किल्ला पुरातन ऐतिहासिक असून तो अनेक वर्षांपासून दूर्लक्षित होता . विकासासाठी आमदार प्रा.चंद्रकांत बळीराम सोनवणे यांनी आपल्या मतदारसंघातील पर्यटनाची शान असलेला हा किल्ल्याच्या विकासाठी शासनाकडे सातत्याने पाठपुरावा केला.त्यांचे फलित म्हणून आज शासनाने दोन कोटींचा निधी मंजूर करून तालुक्याचे नाव पर्यटन क्षेत्रात अधोरेखित केले आहे.