चारचाकी कार व मोटारसायकलचा भीषण अपघात..वर्डी गावाचे दोघं भावंडे ठार
चोपडा दि.९(प्रतिनिधी)भरधाव कारने मोटार सायकलला दिलेल्या जोरदार धडकेत झालेल्या भीषण अपघातात वर्डी गावातील दोन तरुण जागीच ठार झाल्याची दुर्दैवी घटना घडली. घटनेचे वृत्त गावात येऊन धडकताच शोककळा पसरली मयत दोघे सख्खे भाऊ असल्याने एकाच कुटुंबात काळाने घातला घातल्याने सर्वत्र हळहळ व्यक्त करण्यात येत आहे.
भरधाव कारने उडवल्याने
दोघा भावंडांचा जागीच मृत्यू झाला. हा अपघात चोपडा तालुक्यातील वर्डी फाटा ते वडती फाट्याच्या अंकलेश्वर-ब-हाणपूर महामार्गावर घडला. मगन जगन बारेला (25) व रगन जगन बारेला (18, वर्डी, ता. चोपडा) अशी मृत भावंडांची नावे आहेत.
सोमवार, 8 रोजी संध्याकाळी पाच वाजेचा सुमारास अडावद चोपडा दरम्यान वडती फाट्याजवळ अडावदकडून चोपडाकडे जाणाऱ्या चारचाकी (एम.एच.04 एच. एफ. 8296) ने समोरून भरधाव येणाऱ्या दुचाकीने जोरदार धडक दिली. या धडकेत दुचाकीवरील स्वार मगन जगन बारेला (25) व रगन जगन बारेला (18, दोन्ही रा. वर्डी, ता. चोपडा) हे दोन्ही सख्खे भाऊ जागीच ठार झाले.
अपघातानंतर अडावद पोलिस ठाण्याचे सहायक निरीक्षक प्रमोद वाघ यांनी घटनास्थळ गाठून वाहतूक सुरळीत केली. चोपडा उपजिल्हा रुग्णालयातील प्रशांत पाटील (मामू) यांनी दोघांना रुग्णवाहिकेत टाकले. उपजिल्हा रुग्णालयात वैद्यकिय उपचारासाठी दाखल केले. यावेळी डॉ. पवन पाटील यांनी दोघांना मृत घोषीत केले. उपजिल्हा रुग्णालयातील डॉ. पवन पाटील यांनी शविच्छेदन केले.याबाबत चोपडा शहर पोलिसात अकस्मात मृत्यूची नोंद करण्यात आली व ही नोंद शून्य क्रमांकाने अडावद पोलिसात वर्ग करण्यात आली.