सार्वजनिक न्यास नोंदणी कार्यालयात 4 शिपाई पदे..कंत्राटी पद्धतीने भरती निविदा प्रक्रिया सुरु
जळगाव दि – 04 ( प्रतिनिधी ) : सार्वजनिक न्यास नोंदणी कार्यालय, जळगाव विभाग, जळगाव येथे शिपाई (बहुउद्देशीय गट-ड कर्मचारी) या कंत्राटी स्वरूपातील पदांच्या भरतीसाठी निविदा मागविण्यात आल्या आहेत. एकूण ४ रिक्त पदे ही ११ महिन्यांच्या कालावधीसाठी भरण्यात येणार आहेत. ही भरती प्रक्रिया कंत्राटदार/ठेकेदार/कंपनी/संस्
यापदाकरिता उमेदवार किमान १२ वी उत्तीर्ण, पदवीधर असल्यास प्राधान्य. चार चाकी वाहन चालविण्याचा परवाना असणे आवश्यक आहे. तसेच शासकीय/निमशासकीय कार्यालयात सेवा पुरवण्याचा किमान ३ वर्षांचा अनुभव असणे आवश्यक आहे बयाणा रक्कम (EMD) : ₹५,०००/- राष्ट्रीयीकृत बँकेच्या डिमांड ड्राफ्ट / पे-ऑर्डरद्वारे करण्यात येणार आहे. कागदपत्रांमध्ये जीएसटी, ईपीएफ, ईएसआयसी, व्यवसाय कर नोंदणी प्रमाणपत्र, तीन वर्षांचे ITR, पॅन कार्ड प्रत, संस्थेची नोंदणी प्रत, काळ्या यादीत नसल्याचे शपथपत्र, अनुभवाचे पुरावे इ. आवश्यक आहे.
निविदा प्रक्रियेतील अटी व शर्ती संबंधित संस्थांनी काळजीपूर्वक वाचून, दोन्ही लिफाफ्यांत (तांत्रिक आणि आर्थिक) आवश्यक कागदपत्रे जोडून सादर करावीत. निविदा स्वीकारल्यानंतर ३% रक्कम सुरक्षा ठेव म्हणून जमा करावी लागेल.
निविदा सादर करण्याची अंतिम तारीख २३ जुलै २०२५ रोजी सायंकाळी ५.०० वाजेपर्यंत असून, त्यानंतर आलेल्या निविदा कोणत्याही परिस्थितीत ग्राह्य धरल्या जाणार नाहीत.या भरती प्रक्रियेसाठी जळगाव विभागातील पात्र ठेकेदार, कंपन्या, संस्था यांनी तत्काळ निविदा सादरकरावी, असे आवाहन धर्मादाय उपआयुक्त, जळगाव विभाग, जळगाव यांच्या कार्यालयातून करण्यात आले आहे.
00000000000