अवैध हत्यार विक्रेत्यांचा उमर्टी गावात पोलिसांवर हल्ला.. हवेत गोळीबार एपीआय सह दोघे जखमी .. वरला पोलीसांच्या मदतीने बंदक पोलिसाची सुटका .. आरोपीस अटक
चोपडा,दि.१५ (प्रतिनिधी) उमर्टी गावात गावठी कट्टा तयार करणाऱ्या आरोपीतास ताब्यात घेणाऱ्या पोलिस पथकांवरच दगडफेक करून उलटपक्षी पोलीसांनाच पकडून एपीआय व दोन पोलिसांना मारहाण करण्यात आल्याची घटना घडली. एका पोलिस कर्मचारीस बंदी बनवून घेत आमच्या माणसाला सोडा नाहीतर या पोलीसास सोडणार नाही असा पवित्रा घेत हवेत गोळीबार करण्यात आला तर पोलिसांमार्फतही दुसऱ्याबाजूने हवेत गोळीबार करण्यात आल्याने परिसरात तणावपूर्ण वातावरण निर्माण झाले.त्यानंतर जळगाव व चोपडा पोलिसांच्या जवळपास 18ते 25 गाड्यांचा तर एम.पी.पोलिसांच्या 6 गाड्यांचा चम्मू दाखल झाल्याने मध्यप्रदेश पोलीसांच्या मदतीने बंदक पोलिसाची सुटका करण्यात आली असून आरोपी पप्पीसिंह शिकलककर यास अटक करण्यात आली आहे संशयित आरोपींवर जीवघेणा हल्ला,आर्म अॅक्ट,किडण्यापिंग आदी कलमाद्वारे गुन्हा नोंदविण्यात येणार असल्याची माहिती जिल्हा पोलिस अधीक्षक महेश्वर रेड्डी यांनी वृत्त पत्र प्रतिनिधींशी बोलताना दिली आहे.
याबाबत हाती आलेल्या माहितीनुसार,आज दि.15फेब्रुवारी रोजी सायंकाळच्या सहा वाजेच्या सुमारास चोपडा ग्रामीण पोलीस स्टेशनचे पथक गोपनीय माहितीच्या आधारावर साध्या वेशात उमरटी येथे अनधिकृत गावठी कट्टा विकणाऱ्या आरोपी पप्पीसिंह शिकलककर यांस पकडण्यासाठी गेले व त्यांस पकडण्यात पोलिसांना यशही आले मात्र ही बाब तेथील अनधिकृत व्यवसाय करणाऱ्या समजल्यावर काही १००ते १५० लोकांचा समूह एकत्र येत पोलिसांवर हल्ला चढवला दोन्ही बाजूंनी हवेत गोळीबार करण्यात आला.त्यात पोलिस अधिकारी व दोन पोलीस जमावाच्या हाती लागल्याने त्यांना मारहाण केली आहे पोलीस कर्मचारी किरण अशोक पारधी व एपीआय निनतवरे यांना हाता पायाला दुखापत झाली असून त्यांच्यावर खाजगी रुग्णालयात उपचारार्थ भरती करण्यात आले आहे.दरम्यान एका पोलिस कर्मचारीस जमावाने बांधून ठेवले आहे या घटनेचे वृत्त वरिष्ठ पोलिसांना कळविण्यात आल्यानंतर उमरटी गावात नऊ वाजेच्या सुमारास जवळपास 25 ते 30 गाड्यांचा ताफा पोलीस गाड्यांचा ताफा दाखल झाला शिवाय वरला व एमपी पोलिसांची कुमक मागवण्यात आली त्यांनी जोरदार शर्तीचे प्रयत्न करत बंदक पोलिस कर्मचारी शशी पारधी यास वरला पोलिसांनी ताब्यात घेऊन चोपडा पोलिसांच्या ताब्यात दिले .या घटनेची वार्ता चोपडा शहर सह जिल्हाभर पसरल्याने अपवांनाही जोर धरला..
या घटनेची पोलीस अधिक तपास करत आहेत आणि संशयितांविरुद्ध कडक कारवाईची तयारी करत आहेत. घटनास्थळी असलेल्या सर्व आरोपींना पकडण्यासाठी मध्यप्रदेश पोलिसांना सोबत घेत शोध मोहीम सुरू असल्याची माहिती जिल्हा पोलिस अधीक्षक महेश्वर रेड्डी यांनी दिली आहे