अडचणीच्या सुतगिरण्यांचा प्रश्न सोडवला जाईल.. मंत्री ना. संजय सावकारे. रोटरी उत्सवाला भेट..
चोपडा दि.३( प्रतिनिधी) जिल्ह्यातल्या तसेच राज्यातल्या सूतगिरण्या या अलीकडे अडचणीत सुरू आहेत त्यांचे प्रश्न तातडीने सोडवणार आहे. कापूस उत्पादकांनाही आपण न्याय देण्याचा प्रयत्न करू असे स्पष्ट प्रतिपादन पहिल्याच चोपडा भेटीत ना.संजय सावकारे यांनी येथे केले.
चोपडे शहरातील महिला मंडळ शाळेत आयोजित स्वागत समारंभात ना.सावकारेबोलत होते. रोटरी उत्सवात भाग घेण्यासाठी आलेले नामदार सावकारे यांनी रोटरी उत्सव म्हणजे सामान्य जनतेला पर्वणीच होय. रोटरी उत्सव संपुर्ण महाराष्ट्रात राबवा असे ही गौरव उदगार त्यांनी काढले त्याआधी विश्रामगृहावर भाजप कार्यकर्त्यांशी हितगुज केली. भगिनी मंडळ संचलित महिला मंडळ शाळेत महाराष्ट्र विधानसभेचे माजी सभापती अरुणभाई गुजराती यांनी तसेच त्यांच्या विविध संस्थांच्या पदाधिकाऱ्यांनी मंत्री महोदयांचे यथोचित स्वागत केले.
दिनांक दोन रोजी सायंकाळी साडेसहा वाजेच्या सुमाराला नामदार सावकार यांचे शहरातील भगिनी मंडळ शाळेत वाजत गाजत आगमन झाले. यावेळी माजी आमदार कैलास बापू पाटील, जि प. मा.सभापती छन्नू झेंडू पाटील, उर्फ गोरख तात्या, पीपल बँकेचे चेअरमन चंद्रहास भाई गुजराती, उपाध्यक्ष सुनील जैन, चो.सा.काचे मा. चेअरमन, एडवोकेट घनश्याम निंबाजी पाटील,ऍड संदीप भैय्या पाटील, रोटेरियन आशिष भाई गुजराती व मान्यवर यावेळी हजर होते. सर्व संस्थांच्या वतीने उपस्थित पदाधिकाऱ्यांनी सावका रेयांना शाल श्रीफळ बुके देऊन गौरवित केले. सूतगिरणीचे संचालक, शशिकांत पाटील, चंद्रकांत पाटील, कैलास बाविस्कर, शेतकी संघाचे चेअरमन ललित बागुल, मा. सभापती एडवोकेट डी पी पाटील, शांताराम सपकाळे, आनंद मोरे, अरुण मोरे, कवी लेखक -रमेश जे. पाटील, गोविंद भाई गुजराती, श्रीमती अश्विनी गुजराती, सौ प्रभाबेन गुजराती, वसंतलाल गुजराती रोटरी अध्यक्ष ईश्वर सौदाने , रोटरी सचिव भालचंद्र पवार, आदी मान्यवर यावेळी उपस्थित होते.