वडगाव बु// ग्रामपंचायत सरपंचपदी सौ.प्रतिभा गणेश पाटील यांची वर्णी
चोपडा दि.७(प्रतिनिधी) तालुक्यातील वडगाव बु// ग्रामपंचायत सार्वत्रिक निवडणूक- 2023 च्या जनता जनार्दन प्रणित परिवर्तन पॅनलचा दणदणीत विजय झाला, गावातील तरुण युवक यांनी सर्व जाती-धर्माच्या ग्रामस्थांना विश्वासात घेऊन अपक्ष परिवर्तन पॅनल चे संघटन करून समोरच्या सत्ताधारी, राजकीय वरदस्त , असलेले नम्रता पॅनल चा विरुद्ध नवख्या उमेदवारांनी जोरदार लढत देऊन लोकनियुक्त सरपंच म्हणून कोणतेही राजकीय वारसा नसलेले सौ.प्रतिभा गणेश पाटील यांची निवड झाली.
तसेच सदस्य म्हणून सौ.सुनंदाबाई अजेंद्र पाटील , श्री.राकेश गुलाब पाटील, सौ ,शालुबाई गुलाब पाटील ,सौ उषाबाई शंकर पाटील, निवडून आले, तसेच श्री, विलास रतन पाटील, श्री.ईश्वर प्रकाश पाटील, सौ .निर्मला प्रताप कोळी श्री.खंडू ओंकार साळुंखे यांनीही जोरदार लढत देऊन सर्व सदस्यांमध्ये चुरशीची लढत झाली, जनता जनार्दन परिवर्तन पॅनलच्या विकासात्मक अजेंडा नुसार ग्रामविकासाच्या दिशेने गावातील विविध समस्या सोडवणे, सर्व जाती-धर्माच्या ग्रामस्थांना न्याय देणे ,ग्राम विकासाचे विविध कामे हाती घेणे, तरुणांना स्वयंरोजगार साठी प्रशिक्षित करणे, महिलांचे सबलीकरण करणे, शेतकऱ्यांसाठी विकासात्मक धोरण आखणे, वृद्ध ,अपंग यांच्या समस्या सोडवणे, घरकुल, रोजगार हमी योजनेच्या माध्यमातून मागेल त्याला काम देणे, आरोग्याच्या समस्या दूर करणे, अशा विविध विकास धोरणाला समोर ठेवून ग्रामस्थांनी प्रतिसाद देऊन गाव विकासाचे सूत्र परिवर्तन पॅनलच्या उमेदवारांकडे सोपवले... अनेक स्तरातून त्यांचे कौतुक होत असून जनतेच्या आशीर्वाद सोबत घेऊन सर्व ग्रामस्थांचे त्यांनी आभार मानले.