तमाशा कलावंत यांना सन्मानित करणारे समाजात निर्माण होणे गरजेचे : विनोद ढगे.."खानदेशच्या लोकनाट्य तमाशा"पुस्तकाचे प्रकाशन सोहळा संपन्न
चोपडादि.२२(प्रतिनिधी) येथील कै. हि मो करोडपती माध्यमिक विद्यालयाचे निवृत्त मुख्याध्यापक श्री देवीलाल बाविस्कर यांच्या खानदेशच्या लोकनाट्य तमाशा (लोकसाहित्य व कला) लिखित पुस्तकाच्या प्रकाशन सोहळा निमित्ताने लोककलावंत परिषद चे अध्यक्ष विनोद ढगे यांनी आपल्या मनोगतात व्यक्त केले की, खानदेशच्या लोकनाट्य तमाशा हे पुस्तक कलावंतांना प्रेरणा देणारे व मान सन्मान वाढवणारे आहे.त्यासाठी कलावांत हा समाजात प्रबोधन करण्यासाठी आपली कला सादर करतो म्हणून अश्या तमाशा कलावंतांचा समाजाने सन्मान केला पाहिजे. जेष्ठ तमाशा कलावंत भिमाभाऊ सांगवीकर प्रा ए के गंभीर कैलास बाविस्कर, ह भ प बापू महाराज, विजय करोडपती, खंडेराव बाविस्कर, प्रभाकर महाजन,यांनी आपले विचार मांडले यावेळी श्री देविलाल बाविस्कर सर मुख्याध्यापक म्हणून सेवानिवृत्त झाल्यामुळे त्यांचा सत्कार करण्यात आला.या कार्यक्रमाच्या अध्यक्षस्थानी विट्ठल ओंकार पाटील होते.कार्यक्रमास चोपड्याच्या आमदार लताताई सोनवणे, माजी उपनगराध्यक्ष विकास पाटील,कृषी उत्पन्न बाजार समितीचे सभापती नरेंद्र पाटील, नगरसेवक अशोक बाविस्कर, माजी उपसभापती गोपाल सोनावणे,साहित्यिक राजेंद्र जी पारे, तमाशा मालक दत्तोबा सोनवणे, पद्माकर पाटील , ग स चे संचालक मंगेश भोईटे, सतिष पठार,श्रीराम पालीवाल, आत्माराम पाटील, दिलीप पालीवाल,हिलाल व बारडे ,संजय अहिरे व तमाशा कलावंत, शिक्षक , सामजिक क्षेत्रातील मंडळी उपस्थित होते.कार्यक्रमाचे सूत्रसंचालन महेंद्र म्हैसरे यानी तर आभार के बी पाटील यांनी मानले.