चक्क तलवारीने केक कापणाऱ्या स्टंट बहाद्दरांना पोलिसांनी दाखविली जेलची हवा..
चोपडा दि.२३(प्रतिनिधी) रात्री 9.30 वाजेच्या सुमारास सार्वजनिक ठिकाणी रोडवर वाढदिवसाचा केक कापण्यासाठी लोखंडी धारदार तलवारीचा वापर करण्यात आल्या प्रकरणी चोपड्यातील आठ जणांवर गुन्हा नोंदविण्यात आला असून सात जणांना अटक करण्यात आली आहे तसेच धारदार तलवार जप्त करण्यात आल्याची शहर पोलीस स्टेशन मार्फत कारवाई करण्यात आलेली आहे.
यासंदर्भात चोपडा शहर पोलीस स्टेशन मधील पोहेका निलेश सोनवणे यांच्या फिर्यादीवरून शहरातील शेतपुरा भागातील रहिवासी सय्यद फैजल अली मझहर अली, रॉयल एजन्सी समोर मास्टर कॉलनी मधील रहिवासी शाकीर सय्यद साबीर अली, दानिश सय्यद साबीर अली, शेतपुरा भागातील रहिवासी रिजवान अली अयाज अली, मास्टर कॉलनी मधील रहिवासी दानिश शेख हमीद शेख, के.जी.एन कॉलनी मधील रहिवासी बाबू लोहार निजाम लोहार, चुनार अळी जबरे राम मंदिर परिसरातील रहिवासी साजिद शेख गफ्फार आणि फकीरवाडा मधील रहिवासी शोएबशाह जाकीर शाह या आठ संशयित आरोपी विरोधात चोपडा शहर पोलीस स्टेशन मध्ये भारतीय हत्यार कायदा कलम 4/25 सह (37) (1) (3) चे उल्लंघन 135, भादवी कलम 34 प्रमाणे गुन्हा दाखल करण्यात आलेला आहे.
सदर गुन्ह्यात 2 हजार रुपये किमतीची एका बाजूला धारदार, टोकदार लोखंडी पाते असलेली 28 इंच लांब अशी तलवार व 1.5 इंच रुंद व त्यास पितळी धातूची सहा इंचाची मूठ असलेली तलवार (आतील भाग काळा रंगाचा त्यावर सोनेरी रंगाचा दोरा गुंडाळलेली) शोएब शाह जाकीर शाह (रा. फकीरवाडा) याचे घरात आढळून आली. या संदर्भात सात आरोपी ताब्यात घेतले आहेत. . संशयित आठ आरोपींविरुद्ध चोपडा शहर पोलीस स्टेशनमध्ये गुन्हा दाखल झालेला आहे सदर गुन्ह्याचा तपास पोलीस निरीक्षक के के पाटील यांच्या मार्गदर्शनाने पोलीस नाईक संदीप छगन भोई हे करीत आहेत.