नोकरीची आशा पडली महागात..अहो.!चोपड्यात चक्क 43 लाखात फसवणुक.. रत्नदीप नगर रहिवाशांना गंडविले..

 

नोकरीची आशा पडली महागात..अहो.!चोपड्यात चक्क 43 लाखात फसवणुक.. रत्नदीप नगर रहिवाशांना गंडविले..

चोपडा दि.२२  - शहरातील रत्नदिप नगर येथील रहिवासी व त्यांच्या नातेवाईकांना भारतीय खाद्य निगम येथे नोकरी लावून देतो, अशी बतावणी करुन तब्बल 43 लाखांमध्ये फसवणूक करण्यात आली आहे. त्याअनुषंगाने चोपडा न्यायालयात अनिल संतोष पाटील रा. रत्नदिप नगर यांनी  दाखल केलेल्या तक्रारीनुसार प्राप्त आदेशान्वये चोपडा शहर पोलीस स्टेशन येथे गुन्हा दाखल करण्यात आला.

याबाबत सविस्तर वृत्त असे की, चोपडा शहरातील रत्नदिप नगर येथील रहिवासी फिर्यादी अनिल संतोष पाटील व त्यांचे नातेवाईकांना आरोपी रुद्रप्रताप विजयसिंग, दिनेश रामेश्वर सिंह व मोना दिनेशसिंह यांनी भारतीय खाद्य निगमात आपली मोठ्या अधिकाऱ्यांशी ओळखी आहे. त्यामुळे आम्ही कुणालाही नोकरीला लावून देवू शकतो अशी बतावणी करुन तब्बल 43 लाख रुपयांची मागणी केली. व ती रक्कम वेगवेगळ्या क्रमांकांच्या बँक खात्यावर जमा करण्यास सांगितले. त्याप्रमाणे फिर्यादी व साक्षीदार यांनी सदर रक्कम रु. 43 लाख जमा केली. संपुर्ण रक्कम दिल्यानंतर सुद्धा भारतीय खाद्य निगममध्ये संबंधितांना नोकरी लावून न दिल्यामुळे आरोपींकडे दिलेली रक्कम परत मागितली असता आरोपीतांनी पैसे परत देण्यास स्पष्ट नकार दिला.

त्यामुळे आपली फसवणुक व विश्वासघात झाला असे लक्षात आल्यामुळे फिर्यादी अनिल संतोष पाटील यांनी मा. चोपडा न्यायालय येथे तक्रार दाखल केली. त्याच अनुषंगाने मा.न्यायालयाकडील आदेश क्रमांक मजाक्र. 55/2022 दिनांक 15/01/2022 अन्वये सी.आर.पी.सी. 156 (3) प्रमाणे चोपडा शहर पोलीस स्टेशन येथे भाग 5 CCTNS 19/2022 भांदवि कलम 406, 417, 420, 504, 507, 34 प्रमाणे गुन्हा दाखल करण्यात आला आहे. व पोलीस निरिक्षक अवतारसिंग चव्हाण यांच्या आदेशाने गुन्ह्याचा पुढील तपास सहाय्यक पोलीस निरिक्षक संतोष चव्हाण करीत आहेत.