न्याहळोदला १८ रोजी इच्छापूर्ती गुरुदत्त मंदिर यात्रा महोत्सव
न्याहळोद दि.१७(प्रतिनिधी): येथे सालाबादप्रमाणे या वर्षी दि १८ रोजी इच्छापूर्ती गुरुदत्त मंदिर यात्रा महोत्सव आयोजित केला आहे .कोरोना नियम पाळून व लसीकरण कार्यक्रम ठेऊन जयंती साजरी होणार आहे .
सकाळी आठ वाजता रुद्राभिषेक , हरिपाठ , पालखीसोहळा व प्रसादाचा कार्यक्रम असे नियोजन आहे .रात्री मंदार महाराज जोशी( भुसावळकर ) यांचे कीर्तन असून भाविकांनी लाभ घ्यावा असे आहवान मंदिराचे अध्यक्ष अँड . चुनिलाल रोकडे यांनी केले आहे .
मंदिर प्रशासन यात्रेनिमित्त कृषी मेळावा , पशु मार्गदर्शन , कीर्तनातून दारूबंदी , समाज प्रबोधन असे सुत्यउपक्रम राबवित असते . यावर्षी कोरोनाचे संकट लक्षात घेऊन कोविड लसीकरण कार्यक्रम आयोजित करण्यात आला आहे . ज्या भाविकांचे दोघे किंवा एक डोस बाकी असेल त्यांनी लसीकरण करून घ्यावे असे आवाहन आरोग्य उपकेंद्राचे वैद्यकीय अधिकाऱ्यांनी केले आहे . मंदिरात येतांना मोबाईल व आधार कार्ड आणावे असे आयोजकांनी सूचना दिल्या आहेत .