दिव्यांग कल्याणकारी पाच टक्के निधीसाठी फैजपूर दिव्यांग सेनेचे नपाला निवेदन
---------------------------------------
फैजपूर दि.१७(प्रतिनिधी): आज दिनांक १७ डिसेंबर रोजी मा.मुख्याधिकारी सो. नगरपरिषद फैजपूर यांना जिल्हा अध्यक्ष दिव्यांग सेना जळगाव श्री.अक्षय महाजन सर यांचे सुचनेनुसार फैजपूर शहराध्यक्ष नितीन महाजन यांचे नेतृत्वाखाली दिव्यांग बांधवाचा राखीव पाच टक्के निधी मिळावा यासाठी निवेदन देण्यात आले.
निवेदन नगरपरिषद कार्यालयीन अधिक्षक सुनंदा बाक्षे मँडम यांनी स्विकारले.तसेच दिव्यांग विभागाचे सहाय्यक प्रकल्प अधिकारी श्री प्रविण सपकाळे सर यांनी दिव्यांग निधीबाबत संघटनेचे पदाधिकारी यांचेशी चर्चा केली. लवकरच मुख्याधिकारी याचेशी चर्चा करून निधीचे वाटप केले जाईल असे सकारात्मक ऊत्तर दिले.निवेदनात दिव्यांग बांधवांना घरकुल व इतर कल्याणकारी योजना नपाचे माध्यमातून राबविण्यात याव्या व लाभ देण्यात यावा.असेही नमूद करण्यात आले.तसेच ज्या नविन दिव्यांग बांधवांना नोंदणी प्रस्ताव दाखल करायचे असतील त्यांनी नपा.त संबंधित दिव्यांग विभागात नमुना फाँम भरुन सादर करावेत. यावेळी शहराध्यक्ष नितीन महाजन, ऊपाध्यक्ष ललित वाघूळदे, जि.संघटक नानाभाऊ मोची, जि.सल्लागार राहुल कोल्हे, ता.अध्यक्ष मुन्ना चौधरी ,ता.सचिव चेतन तळेले ,सदस्य युनुस तडवी, अशपाक व शहरातील दिव्यांग बांधव ऊपस्थित होते.