बंद पडलेले कारखाने व त्यांची जमीन कवडीमोल भावात विकत घ्यायचे व तेच कारखाने पुन्हा सुरू करायचे असा सत्ताधारी नेत्याचा उद्योग :विरोधी पक्ष नेते प्रवीण दरेकर
म्हसावद,ता.शहादा दि.२९:(प्रतिनिधी):बंद पडलेले कारखाने व त्यांची जमीन कवडीमोल भावात विकत घ्यायची आणि तेच कारखाने पुन्हा सुरू करायचे असा उद्योग सरकार मधील सत्ताधारी नेत्यानी सुरू केल्याचाआरोप विधान परिषदेच्या विरोधी पक्ष नेते प्रवीण दरेकर यांनी केला आहे.
शहादा तालुक्यातील सातपुडा साखर कारखान्याच्या गळीत हंगामाच्या शुभारंभ करण्यासाठी दरेकर हे नंदुरबार जिल्ह्यात आले होते.पत्रकारांशी संवाद साधताना ते म्हणाले की,आघाडी सरकारसाठी कोरोना संकट म्हणजे जणू पर्वनीच ठरली होती या काळातआदिवासीना खावटी अनुदान देण्याची घोषणा करण्यात आली.मात्र या लाभार्थ्यांना खात्यात अजून ही पैसे पडलेले नाही.उलटपक्षी बंद पडलेले कारखाने आणि त्याची जमीन कमी भावात विकत घेऊन ते कारखाने पुन्हा सुरू करण्याचा प्रयत्न केला गेला.त्यामुळे ईडी सारख्या यंत्रणा अशा नेत्यांच्या मागे लागल्या असा हो टोमणा त्यांनी मारला एकंदरीत महाराष्ट्रतीलजनतेचा पूर्ण भ्रमनिरास झाला असून त्यामुळे भाजपा चे सरकार पुन्हा सत्तेत येईल असा आत्मविश्वास देखील त्यांनी व्यक्त केला या पत्रकार परिषदेला आमदार राजेश पाडवी,माजी आमदार शिरीष चौधरी,भाजपा चे जिल्हाध्यक्ष विजय चौधरी उपस्थित होते.