*अज्ञात वाहनाच्या धडकेत १ जण ठार .. मेहकर एस्टी डेपोचा होता चालक*
मेहकर दि.३०: मेहकर चिखली रोडवर नागझरी फाट्यावर अज्ञात वाहनाच्या धडकेने एसटी चालक ठार झाल्याची घटना २९ जुलै च्या रात्री बारा वाजताच्या सुमारास घडली.
मेहकर एसटी डेपो मध्ये चालक म्हणून कार्यरत असलेले मृतक जगन्नाथ मारुती देवकर वय ४२,मुक्काम नागझरी तालुका मेहकर हे रात्रीला आपली ड्युटी संपून मोटरसायकल क्रमांक एम एच २८ जे ९१४८ मेहकर कडून नागझरी कडे येत असताना हाकेच्या अंतरावरच आपल्या घरी पोहचन्या अगोदरच अज्ञात वाहनाच्या धडकेने त्यांचा जागीच मृत्यू झाला. ही माहिती सकाळी तीन वाजताच्या सुमारास रोडवरून जात असलेल्या प्रवाशाने पोलीस हेल्पलाईन १०० या क्रमांकावर संपर्क साधून माहिती दिली.व त्यानंतर त्यांना गावचे पोलीस पाटील प्रकाश गवई,पोलीस प्रशासन व ग्रामस्थांनी १०८ एम्बुलेंस ने उत्तरीय तपासणीसाठी ग्रामीण रुग्णालय मेहकर येथे हलविले.अपघातास कारणीभुत अज्ञात वाहनाला शोधून त्याच्यावर कारवाई करण्याची मागणी ग्रामस्थ करीत आहे. घटनास्थळाचा पंचनामा करून घटनेचा पुढील तपास मेहकर पोलिस स्टेशनचे ठाणेदार आत्माराम प्रधान यांच्या मार्गदर्शनाखाली पोलिस धिके,राठोड हे करीत आहेस.