माजी आमदार सौ.लताताई सोनवणे यांच्या आंदोलनाला यश..बहाणपुर-अंकलेश्वर हायवे रस्ता कामास सुरुवात आमदार प्रा चंद्रकांत सोनवणे यांची भेट
चोपडा दि.८(प्रतिनिधी)मतदार संघातून जाणारा ब-हाणपुर-अंकलेश्वर हायवेवरती गेल्या अनेक महिन्यांपासून रस्त्याची दुरावस्था झालेली होती. सदर रस्त्यांबद्दल तत्कालीन आमदार सौ.लताताई चंद्रकात सोनवणे यांनी आंदोलन केले होते. सदर ठेकेदार चोपडा यावल रावेरकडच्या कामास दिरंगाई करत असल्याने नुकत्याच झालेल्या ग्रामीण नियोजन समितीच्या बैठकीत विद्यमान आमदार प्रा. चंद्रकांत सोनवणे यांनी नॅशनल हायवे अधिकाऱ्यांना धारेवर धरले. त्यानुसार चोपडा मतदारसंघात काम सुरू आहे त्या कामावर प्रत्यक्ष आमदार चंद्रकांत सोनवणे तहसीलदार भाऊसाहेब थोरात पदाधिकाऱ्यांनी भेट देऊन कामाच्या क्वालिंटी तपासणी केली व सूचना दिल्या. त्याचबरोबर रत्नावती नदी वरती आशा टाकी चौकासमोरील पुलाचे कामाची पाहणी केली. यावेळी सार्वजनिक बांधकाम विभागाचे इंजिनियर अभियंता व ठेकेदार यांना विविध सूचना दिल्या व काम व्यवस्थित करण्याबाबत देखील सूचना यावेळी दिल्या.