जळगाव जिल्ह्याला ४ मंत्रीपदे मिळण्याची शक्यता .. जुन्यासोबत नवीन नावांचीही जोरदार चर्चा

 जळगाव जिल्ह्याला ४ मंत्रीपदे  मिळण्याची शक्यता .. जुन्यासोबत नवीन नावांचीही जोरदार चर्चा 

जळगाव दि.25(प्रतिनिधी)राज्य विधानसभा निवडणुकीत महायुतीला तब्बल 230 जागांवर यश मिळाल्यानंतर आता मुख्यमंत्रीपदी कुणाची वर्णी लागणार तसेच कुणा-कुणाला मंत्री पदाची संधी मिळणार यावर जोरदार चर्चा सुरू झाल्या आहेत.  शपथविधी सोहळा पार पडणार असून त्यात जुन्याच चेहऱ्यांना पहिल्या पंक्तीत मंत्री पदाची माळ गळ्यात पडणार असल्याचे चित्र आहे.त्यात भाजपाचे 20 तर शिंदे गट10 आणि अजित पवार गट 10अशा 40ते 45 जणांची लॉटरी लागणार असल्याचे बोलले जात आहे.तसेच जळगाव जिल्ह्यातील गिरीशभाऊ महाजन, गुलाबराव पाटील, अनिल भाईदास पाटील हे तिघांची नावे जवळपास पक्के असल्याचे बोलले जात असून राज्य मंत्रीपदासाठी आदीवासी चेहरा म्हणून प्रा.चंद्रकांत बळीराम सोनवणे यांच्या नावाचीही जोरदार चर्चा सुरू आहे. त्यासोबतच आ.संजय सावकारे व आ.किशोर पाटील राजुमामा भोळे यांनीही तिसरी टर्म पार केल्याने त्यांच्या कार्यकर्त्यांनी मागणी लावून धरली आहे. यावेळी मात्र जळगाव जिल्ह्याला चार मंत्रीपदे मिळण्याची  दाट शक्यता असल्याचे राजकीय धुरंधरांकडून बोलले जात आहे. 

 *सोमवारी शपथविधी सोहळा* 

स्पष्ट बहुमत मिळाल्यानंतर आता महायुतीचा मुख्यमंत्री कोण होणार? याची चर्चा सुरु झाली आहे. कुणाच्या गळ्यात मंत्री पदाची माळ पडणार, याचेही जोरदार खलबते राज्यभर सुरु झाले आहेत. मिळालेल्या माहितीनुसार, नव्या सरकारचा  सोमवार, 25 नोव्हेंबर रोजी शपथविधी होणार आहे. हा शपथविधी सोहळा वानखेडे स्टेडियमवर होणार असल्याची चर्चा असून खुद्द पंतप्रधान नरेंद्र मोदी, जेपी नड्डा यांच्यासह केंद्रातील दिग्गज नेते हजेरी लावणार आहेत. यावेळी कोण-कोण मंत्रिपदाची शपथ घेणार याकडे जिल्हावासीयांचे लक्ष लागले आहे. ज्यांचे आमदार जास्त, त्याला जास्त मंत्रिपदे मिळतील, अशी शक्यता आहे.

 *संभाव्य मंत्र्यांची नावे अशी* 

 *भाजप* -

🏵️देवेंद्र फडणवीस

🏵️चंद्रशेखर बावनकुळे

🏵️चंद्रकांत पाटील

🏵️मंगलप्रभात लोढा

🏵️रवींद्र चव्हाण

🏵️सुधीर मुनगंटीवार

🏵️राधाकृष्ण विखे पाटील

🏵️आशिष शेलार

🏵️गणेश नाईक

🏵️प्रवीण दरेकर

🏵️राहुल नार्वेकर

🏵️गिरीष महाजन

🏵️अतुल भातखळकर

🏵️नितेश राणे

🏵️राहूल कूल

🏵️संजय कुटे

🏵️माधुरी मिसाळ

🏵️पंकजा मुंडे

🏵️मंदा म्हात्रे

🏵️देवयानी फरांदे

 *एकनाथ शिंदे शिवसेना-* 

🏹एकनाथ शिंदे

🏹गुलाबराव पाटील

🏹दादा भुसे

🏹भरत गोगावले

🏹संजय शिरसाट

🏹उदय सामंत

🏹दीपक केसकर

🏹संजय राठोड

🏹शंभूराज देसाई

🏹अब्दुल सत्तार

🏹प्रा.चंद्रकांत सोनवणे 

 *अजित पवार गट राष्ट्रवादी काँग्रेस-* 

🕛अजित पवार

🕛दिलीप वळसे पाटील

🕛धनंजय मुंडे

🕛छगन भुजबळ

🕛हसन मुश्रीफ

🕛आदिती तटकरे

🕛धर्मरावबाबा आत्रम

🕛अनिल पाटील

🕛नरहरी झिरवाळ

🕛आण्णा बनसोडे