आज चोपड्यात उध्दव बाळासाहेब ठाकरे यांची विराट जाहीर सभा.. मविआ चे उमेदवार प्रभाकर सोनवणे यांच्या प्रचारार्थ नियोजन
चोपडा दि.११(प्रतिनिधी)चोपडा विधानसभा मतदारसंघाचे महाविकास आघाडीचे उध्दव बाळासाहेब ठाकरे पक्षाचे अधिकृत उमेदवार आप्पासाहेब प्रभाकर गोटू सोनवणे यांच्या प्रचारार्थ माजी मुख्यमंत्री तथा पक्ष प्रमुख उद्धव बाळासाहेब ठाकरे यांच्या जाहीर विराट सभेचे आयोजन करण्यात आले आहे .
व्यासपीठावर माजी विधानसभा सभापती अरुण भाई गुजराती, माजी आमदार कैलास बापू पाटील, माजी आमदार दिलीप सोनवणे, एडवोकेट संदीप भैया पाटील, माजी नगराध्यक्ष जीवन भाऊ चौधरी, उबाठा पक्षाचे संपर्कप्रमुख संजय सावंत, विजय परब, श्री राणे , पीपल्स बँक चेअरमन चंद्रहासभाई गुजराती , आदी मान्यवर उपस्थित राहणार आहेत.
ही सभा आज दिनांक 11 रोजी सायंकाळी ६:०० वाजता बी एड कॉलेजच्या प्रांगणा जवळ अरुण नगर येथे आयोजित करण्यात आलेले आहे. तरी जाहीर सभेस जनतेने,मविआचे घटक पक्षातील पदाधिकाऱ्यांनी,कार्यकर्त्यांनी, मोठ्या संख्येने उपस्थित राहावे असे आवाहन देवेंद्र सोनवणे, शशिकांत पाटील, संजीव सोनवणे व आयोजकांनी केले आहे.