जनतेशी नाळ जुळली असल्याने माझा विजय पक्का असून अपक्ष उमेदवारी कायम : भूषणभाऊ मधुकर भिल यांची ग्वाही
चोपडा दि.१(प्रतिनिधी)चोपडा विधानसभा मतदारसंघात सन 2017 ते 2022 पर्यंत मी पंचायत समिती सदस्य पद व दीड वर्षे उपसभापतीपदावर कार्यरत असतांना जनतेचे विविध कामे स्थानिक पातळीवर मोठ्या प्रमाणावर पूर्ण केलेले आहेत त्यामुळे जनता जनार्दन माझ्या पाठीशी असून माझ्यावर प्रेम करणाऱ्या आदिवासी संघटनांनी व कार्यकर्ते माझ्या खांद्याला खांदा लावून साथ देतील यात तीळ मात्र शंका नसल्यामुळे मी अपक्ष निवडणूक लढविण्यावर ठाम असून माघारीचा प्रश्नच उद्भवत नसल्याची माहिती अपक्ष उमेदवारीचा फॉर्म भरणारे उमेदवार माजी पंचायत समिती उपसभापती भूषण मधुकर भील यांनी झटपट पोलखोल न्यूजशी बोलतांना दिली आहे.
माझा जनसंपर्क हा तालुक्यातील विविध कार्यकारी सोसायटी, ग्रामपंचायत सदस्य, सरपंच, उपसरपंच या तोला मोलाचे कार्यकर्त्यांसोबत आहे तसेच विविध राजकीय सामाजिक कार्यकर्तेशी माझे वैयक्तिक संबंध असल्याने ते माझ्या पाठीशी आहेत त्यातचआदिवासी लोकांसाठी रेशन कार्ड ,जातीचे दाखले, शबरी आवास अशा भरपूर योजना तळागाळातील लोकांपर्यंत पोहोचविण्याचे महत्त्व पूर्ण काम केले असून उपविभागीय वन हक्क समिती चे सदस्य राहून चुकलो असल्याने 203 वनदावे 2018 ला पात्र करण्यात मोलाची कामगिरी निभावली आहे आणि 3913 दावेंवर दोन पुरावे आढळल्यास दावा पात्रच्या शिफारस करण्यात यावे अशी शिफारस केली होती आणि त्या शिफारसींवर प्रांत महोदयांनी सकारात्मक निर्णय घेऊन केलेल्या कित्येक दावे पात्र केले आहेत त्या पात्रच्या नोटीसवर माझ्या नावानिशी शिफारस आहे म्हणून माझे पंधरा-वीस हजार कार्यकर्ते आहेत. तसेच ग्रामपंचायत कडे जे दावे प्रलंबित आहेत किंवा उपविभागीय वन हक्क समितीकडे प्रलंबित दावे ते सुद्धा मी प्रांत कमिटीला असताना यांचीही शिफारस केलेली आहे .म्हणून मला जनतेची कामे कशी करावीत जनतेशी सी कसे वागावं हे चांगले जमते . म्हणून जनतेच्या भल्यासाठी तडफडणारा माणूस म्हणून माझी ख्याती असल्याने गरीब जनता ही माझ्या पाठीशीच राहील म्हणून अपक्ष उमेदवार म्हणून निवडणूक लढवित असल्याचे मत भूषण भील यांनी व्यक्त केले आहे.
माझ्या पाठीशी सर्व आदिवासी संघटना आहेत असे मी जाहीर करतो कारण मला आदिवासी संघटनेचे सर्व पदाधिकारी चे फोन येऊन गेले आहेत म्हणून माझा विजय निश्चित मानला जात असल्याने जनतेचा लाडका उमेदवार म्हणून मी भूषण भील कार्यकर्त्यांच्या भेटी गाठी घेणें चालू केले असल्याने लवकर झंझावाती प्रचारात उतरणार असल्याचे म्हटले आहे.