राज्य शासकीय निवृत्तीवेतन धारकांनी हयात प्रमाणपत्र 10 डिसेंबरपर्यंत सादर करावे..जिल्हा कोषागार अधिकाऱ्यांचे आवाहन
जळगाव, दिनांक 5 (प्रतिनिधी) : जळगाव येथील जिल्हा कोषागार, कार्यालयातून बँकेमार्फत निवृत्तीवेतन घेणाऱ्या निवृत्तीवेतन धारकांनी व कुटुंब निवृत्तीवेतन धारकांना आपले हयात प्रमाणपत्र दिनांक 01 नोव्हेंबर २०२४ पासून बँकेमार्फत सादर करावे लागणार आहे, असे आवाहन जळगावचे जिल्हा कोषागार अधिकारी राजेंद्र खैरनार यांनी याबाबतीत प्रसिद्धीपत्रक जारी करत याबाबतची माहिती दिलेली आहे.
यासंदर्भात जिल्ह्यातील सर्व बँकांच्या शाखेत हयात प्रमाणपत्राच्या याद्या पाठविण्यात आलेल्या आहेत. प्रत्येक निवृत्तीवेतन धारकांनी त्या यादीवर बँक अधिकाऱ्यासमोर दिनांक १० डिसेंबर २०२४ पर्यंत स्वाक्षरी करण्याची दक्षता घ्यावी, असे आवाहन जिल्हा कोषागार अधिकारी राजेंद्र खैरनार यांनी एका प्रसिध्दी पत्रकान्वये केले आहे.
0 0 0 0 0 0 0 0 0