चिमुकलीसोबत अश्लील चाळे करणारा नराधम पोलिस जाळ्यात .. टीव्ही दाखविण्याचा आव..अन् कळी कुस्करण्याचा होता मनात डाव..!
चोपडा दि.११(प्रतिनिधी) ७ वर्षीय बालिकेला टीव्ही दाखविण्याच्या बहाण्याने घरी नेत एका 55 वर्षीय नराधमाने अश्लिल चाळे केल्याप्रकरणी चोपडा ग्रामीण पोलीस ठाण्यात पिडीत मुलीच्या वडिलांच्या फिर्यादिवरून गुन्हा दाखल करण्यात आला असून पोलिसांनी आरोपिस बेड्या ठोकल्या आहेत.
चोपडा तालुक्यातील एका गावातील आरोपी अशोक देवराम पाटील वय ५५ वर्ष या नराधामाने काल रात्री ९ वाजेचा सुमारास ७ वर्षीय बालिकेला टीव्ही बघण्याचे आमिष दाखवत घरात घेऊन जाऊन लैंगिक इच्छेच्या उद्देशाने अश्लिल चाळे केले अशी फिर्याद बालिकेचे वडीलांनी चोपडा ग्रामीण पोलीस ठाण्यात दिल्यावरून आरोपितांविरुध्द भांदवी कलम ३५४, ३५४ (अ), या सह बाल लैंगिग अत्याचार कायदा कलम २०१२ चे कलम ८, १२ व अनुसूचित जाती आणि अनुसूचित जमाती अत्याचार प्रतिबंधक कायदा, 1989 सुधारित अधिनियम सन २००५ च्या कायद्यानुसार गुन्हा दाखल करण्यात आला आहे. पुढील तपास उपविभागीय पोलीस अधिकारी सुनिल नंदवाळकर यांच्या मार्गदर्शनात चोपडा पोलीस निरीक्षक के.के.पाटील, चोपडा ग्रामीण चे सहायक पोलिस निरीक्षक एस एल नितनवरे हे करीत आहेत.