लाचखोर पोलीस निरीक्षक ,रायटर व खाजगी पंटर एसीबीच्या जाळ्यात..*बायोडिझेलच्या प्रकरणात सहआरोपी न करण्यासाठी ३ लाखाची घेतली लाच*
भुसावळ,दि.१८(प्रतिनिधी) : बायोडिझेलच्या प्रकरणात सहआरोपी न करण्यासाठी पाच लाखांची लाच मागून तडजोडीअंती तीन लाख रुपयांची लाच घेताना भुसावळ बाजारपेठ पोलीस ठाण्याचे निरीक्षक राहुल गायकवाड यांच्यासह रायटर तुषार पाटील व खाजगी पंटर ऋषी दुर्गादास शुक्ला यांना धुळे एसीबीच्या पथकाने लाच स्वीकारताच अटक केली. एसीबीच्या या कारवाईने पोलीस वर्तुळात प्रचंड खळबळ उडाली
एलसीबीने काही दिवसांपूर्वी बायोडिझेलची वाहतूक करणारा टँकर पकडून बाजारपेठ पोलिसांकडे कारवाईसाठी दिला होता मात्र गुन्हा दाखल न करण्याच्या मोबदल्यात 15 लाखांची मागणी करण्यात आली व सुरूवातीला तीन लाख रुपये घेवून नंतर पुन्हा 12 लाख रुपये मागण्यात आल्याने तक्रारदाराने धुळे एसीबीकडे तक्रार नोंदवल्यानंतर सापळा रचण्यात आला. ऋषी शुक्ला व तुषार पाटील यांनी लाच स्वीकारताच त्यांना अटक करण्यात आली तर पोलीस निरीक्षकांसाठी लाच मागण्यात आल्याने त्यांनादेखील अटक करण्यात आली.
ही कारवाई नाशिक पोलीस अधीक्षक शर्मिष्ठा वालावलकर यांच्या मार्गदर्शनाखाली धुळे पोलीस उपअधीक्षक अभिषेक पाटील व सहकाऱ्यांनी केली.