वटार गावी गॅस हंडीचा भीषण स्फोट ..आगीत ३ घरे जळून खाक..२ जण जखमी.. प्रचंड नुकसान
चोपडा दि.२९( प्रतिनिधी) तालुक्यातील वटार गावी गॕस नळी लिक झाल्याने हंडीचा भीषण स्फोट झाल्याने तीन घरें जळून खाक झाल्याची दूर्दैवी घटना सोमवार दि.२८ रोजी अदमासे रात्रीच्या८: ००वाजेच्या सुमारास घडली. यात दोन जण जखमी झाले असून संसारोपयोगी सामान पूर्णपणे जळून खाक झाल्याने आर्थिक प्रचंड नुकसान झाले आहे.. सुदैवाने कोणतीही जीवितहानी झाली नसून आगीचे वृत्त गावभर पसरताच गावकऱ्यांनी धाव घेऊन आग विझविण्यासाठी शर्थीचे प्रयत्न सुरू केले.तसेच जळगाव व चोपडा येथून अग्निशमन दलाचे ३ गाड्या दाखल झाल्या असून रात्री पर्यंत आगविझविण्याचे काम सुरू होते. घटनास्थळी नायब तहसीलदार, सर्कल, तलाठी, पोलिस कर्मचारी व सामाजिक कार्यकर्ते दाखल झाले आहेत जखमींना अडावद रुग्णालयात उपचारार्थ दाखल करण्यात आले आहे.
याबाबत हाती आलेले वृत्त असे की,वटार येथील कैलास भिका कोळी यांच्या घरी रात्रीचं जेवण तयार करीत असतांना गॅस नळीने अचानक पेट घेऊन क्षणार्धात गॅस हंडीचा स्फोट झाला घराला आगीने रौद्ररूप धारण केले त्यात कैलास कोळी व सौ.सरलाबाई कोळी ह्या जखमी झाल्या असून त्यांना उपचारार्थ अडावद रुग्णालयात दाखल करण्यात आले आहे.
दरम्यान कैलास कोळी यांच्या घराला आग लागल्यानंतर धनसिंग खंडू कोळी,भिकुबाई सुभाष कोळी, यांच्या घरांनाही आगीने हेरले असता जळून खाक झाले आहे.आगीचे वृत्त परिसरात पोहचताच वडगाव,सुटकार व वटार तिघेंही गावातील लोकांनी आग विझविण्यासाठी शर्थीचे प्रयत्न सुरू केले त्यांनतर चोपडा येथून २ व जळगाव येथून १ अग्निशमन बंबाची दाखल होऊन आग विझविण्याचे काम करीत आहे.घटनास्थळी नायब तहसीलदार सचिन भामळे, सर्कल व्हि डी पाटील, तलाठी महेंद्र पाटील, अडावद पोलीस स्टेशनचे सहाय्यक पोलीस निरीक्षकांसह पोलिस कर्मचारी तळ ठोकून होते.शिवाय जि
प.सदस्य शांताराम पाटील, राकेश पाटील,मंगल इंगळे, सचिन महाजन, सरपंच गोपाल ठाकरे ,भाजप,सेना पदाधिकारी मोठ्या संख्येने उपस्थित होते.