बळीवंश कलामंच रत्नागिरीतर्फे दामोदर नाट्यगृह येथे रविवारी नमन प्रयोगाचे आयोजन

 

बळीवंश  कलामंच रत्नागिरीतर्फे दामोदर नाट्यगृह येथे रविवारी नमन प्रयोगाचे आयोजन 

मुंबई दि.१५ (शांताराम गुडेकर) :परशुरामाच्या पदस्पर्शाने पावन झालेल्या कोकणभूमीत अनेक कलांचा विकास झाला आहे. त्यामध्ये नमन(खेळे), शक्तीतुरा (जाकडीनृत्य), भारुड, डफावरील पोवाडे इ.कलांचा समावेश आहे. कोकणातील विशेषतः रत्नागिरी जिल्हातील नमन (खेळे) या लोककलेची प्रसिध्दी जगभर पसरली आहे. श्री गणरायाचे आगमन, मृदंग, ढोलकीच्या तालावर ठेका धरणारी नटखट गवळण, काल्पनिक पौराणिक वगनाट्य सादर करणारी ही नमन लोककला कोणतेही आर्थिक पाठबळ नसताना, शासनाचे अनुदान नसतानाही कोकणवाशीय जोपासत आहेत. या लोककलेला फार प्राचीन काळापासून रत्नागिरी,चिपळूण, गुहागर, संगमेश्वर, देवरुख, लांजा, राजापूर, मंडणगड या तालुक्यातील लोकांनी ही लोककला जोपासून शासनाच्या, भारत सरकारच्या अनेक योजना या लोककलेतून लोकांपर्यंत पोहचवून त्याविषयी जनजागृती करण्याचे काम पार पाडले आहे. झाडे लावा-झाडे जगवा, पाणी वाचवा, नशाबंदी, वृक्षतोड थांबवा, स्त्रीभ्रुणहत्या, शिक्षणाचे महत्त्व इ.विषयांवर या लोककलेतून लोकांपर्यंत संदेश देण्याची महत्त्वाची भूमिका पार पाडली आहे.

          बळीवंश कलामंच रत्नागिरी निर्मित या मोसमातील  सुभारंभ प्रयोग कोकणची लोककला बहुरंगी नमन  रविवार दिनांक १६ जानेवारी २०२२ रोजी ठीक  सकाळी १० वाजता परळ  येथील दामोदर नाट्यगृह येथे नमन या कार्यक्रमाचे आयोजन करण्यात आले आहे.नमन या लोकनृत्य मध्ये भक्तिमय गण, स्त्रीपात्रानी नटलेली नटखट गौळण, पेंद्या, वाकड्याची आगळी वेगळी धम्माल आहे. प्रथम मान गणपतीरायाचा असतो. गणपती पूजन व गणपती गाणे होते. गणेश पुजनात गणेशाची आख्यायिका असते.धम्माल वगनाट्य "अचाट नगरचा विवाह सोहळा " सादरीकरण होणार आहे. लेखक /संकल्पना -शिवश्री, सागर बबन डावल, दिग्दर्शक -सचिन मोरे, सूत्रधार- संदेश  रावणंग, अमित ठोंबरे, गीतकार- मकरंद डावल, मिलिंद ठीक, तेजल पवार( गोताड), गायक निलेश मेस्त्री, गिरीश रामगडे, नितेश गोमाणे, गायिका- तेजल पवार, जस्मिनी डावल, नूत्य दिग्दर्शका -अंकिता गोणबरे, रंजना म्हाब्दी, ढोलकी/मृधुंग -अक्षय नावले, ऑर्गन मास्टर- विकास मोरे, ऑक्टो पॆड- रुपेश शेलार आहेत.वि. आभार संजय मांडवकर यांचे तर विशेष सहकार्य शीर कुणबी युवा प्रतिष्ठान यांचे लाभले आहे.तरी नमन मंडळांना विनंती  करण्यात येत आहे की,आपल्या गाव मंडळातील नमन मंडळांनी सदर कार्यक्रमाला उपस्थित राहून कोकणची ही लोककला वाचवण्यासाठी हातभार लावावा.