SIR मतदार मॅपिंग जनजागृतीसाठी सूरमाज फाउंडेशनचा विशेष उपक्रम
चोपडा दि.२९(प्रतिनिधी)सूरमाज फाउंडेशनतर्फे SIR (विशेष ओळख नोंदणी) संदर्भात व्यापक जनजागृती मोहीम यशस्वीपणे राबविण्यात आली. शैक्षणिक, धार्मिक, सांस्कृतिक व सामाजिक क्षेत्रात सक्रिय असलेल्या या संस्थेने या उपक्रमाद्वारे नागरिकांना त्यांच्या हक्कांविषयी जागरूक करण्याचा स्तुत्य प्रयत्न केला आहे.
या मोहिमेअंतर्गत चोपडा शहरातील विविध भागांमध्ये स्वयंसेवकांनी घराघरांत जाऊन पत्रके वाटली व नागरिकांना SIR प्रक्रियेची सविस्तर माहिती दिली। नागरिकांनी आवश्यक कागदपत्रे वेळेत तयार ठेवावीत आणि नोंदणी प्रक्रिया पूर्ण करावी, यासाठी त्यांना प्रोत्साहित करण्यात आले, जेणेकरून ते आगामी मतदार यादीत समाविष्ट होऊन लोकशाही प्रक्रियेत सहभागी होऊ शकतील।
या मोहिमेचे नेतृत्व फाउंडेशनचे अध्यक्ष हाजी उस्मान शेख यांनी केले। त्यांच्या मार्गदर्शनाखाली अबुलैस शेख, डॉ. रागीब, शेख मुजाहिद-ए-इस्लाम, शमीम शेख, ॲडव्होकेट असीम, प्रा. डॉ. मोहम्मद जुबेर शेख, वजाहत अली काजी (अदावत), अली अकबर, अजहर जागीदार, जुनेद शेख, इलियास, शाहनवाज शाह, मोहसिन अली, असद सर आदी कार्यकर्त्यांनी उत्साहाने सहभाग घेतला.
या जनहिताच्या उपक्रमाबद्दल नागरिकांनी फाउंडेशनचे आभार मानले. ही मोहीम केवळ जनजागृतीपुरती मर्यादित न राहता जबाबदार नागरिकत्व आणि लोकशाही मूल्ये दृढ करण्यासाठी प्रेरणादायी ठरली.