शासकीय कार्यालयात माहिती अधिकार दिन म्हणून साजरा करावा हेमंत गायकवाड यांची विभागीय आयुक्त व जिल्हाधिकाऱ्यांकडे मागणी
चोपडा,दि.७ (प्रतिनिधी )नाशिक विभागाचे विभागीय आयुक्त प्रवीण गेडाम व जळगाव जिल्ह्याचे जिल्हाधिकारी आयुष प्रसाद यांनी आपल्या अधिनस्त असलेल्या सर्व शासकीय कार्यालयात २८ सप्टेंबर हा दिवस माहिती अधिकार दिवस म्हणून साजरा करावा अशी मागणी स्वराज्य पोलीस मित्र पत्रकार संरक्षण आणि माहिती अधिकार संघटना जिल्हाध्यक्ष हेमकांत गायकवाड यांनी ई-मेल द्वारे केली आहे.
माहिती अधिकार हा कायदा नागरिकांना हक्क प्रदान करणारा महत्त्वपूर्ण कायदा असून या कायद्याचा प्रसार व प्रचार करणे ही शासन व प्रशासनाची जबाबदारी आहे.तसेच या कायद्याचे महत्व व उपयोगिता सर्व शासकीय अधिकारी व कर्मचारी तसेच सामान्य नागरिक यांना व्हावी तसेच हा दिवस राष्ट्रीय स्तरावर माहिती अधिकार दिन म्हणून साजरा केला जातो.हे लक्षात घेऊन महाराष्ट्र शासनानेही हा दिवस महाराष्ट्र शासन अधिनस्त प्रत्येक सरकारी कार्यालयात माहिती अधिकार दिन म्हणून साजरा करावा असा शासन निर्णय क्रमांक - केमाअ २००८/पत्र क्र.३७८/०८/ सहा सामान्य प्रशासन विभाग, मंत्रालय, मुंबई दिनांक २० सप्टेंबर २००८ आहे.
सदर निर्णयानुसार माहिती अधिकार या विषयावर विविध उपक्रम साजरे करून तसेच प्रसिद्धी माध्यमातून प्रसिद्धी देऊन नागरिकांना या माहिती अधिकार दिन उपक्रमात सहभागी करून घ्यावे व त्यासाठी विविध स्वयंसेवी संस्थांची मदत घ्यावी
१)माहिती अधिकार विषय व्याख्यानमाला/चर्चासत्र २)प्रश्नमंजुषा,निबंध,वकृत्व,इ.स्पर्धा ३)माहिती अधिकार अधिनियमावर आधारित प्रदर्शन
४)स्थानिक नागरिक सामाजिक संस्था व शालेय महाविद्यालय विद्यार्थ्यांच्या सहभाग,घ्यावाअसे शासनाने सुचविलेले आहे.त्याची आपल्या अधिनस्त असलेल्या शासकीय कार्यालयात अंमलबजावणी व्हावी.या वर्षी २८ सप्टेंबर २०२५ या 'दिवशी रविवार तसेच २७ सप्टेंबर शनिवार असल्यामुळे सुट्टी आहे.त्यामुळे २८ सप्टेंबर २०२५ रोजी शक्य नसल्यास सदर माहिती अधिकार दिन हा २६ सप्टेंबर २०२५ किंवा २९ सप्टेंबर २०२५ या दिवशी साजरा करावा तशा सूचना आपण सर्व कार्यालयांना तातडीने कराव्यात अशी विनंतीही त्यांनी ईमेलद्वारे केली आहे .