महिला अव्वल कारकूनास १० हजाराची लाच घेतांना रंगेहाथ अटक.. भुसावळ प्रांताधिकारी कार्यालयात प्रचंड खळबळ..प्लॉट एन.ए. करण्यासाठी केली होती मागणी*
भुसावळ दि.०५ : प्रांताधिकारी कार्यालयातील अव्वल महिला कारकून प्रतिभा लोहार यांना दहा हजार रुपयांची लाच घेतांना लाच लूचपत प्रतिबंध विभागाच्या अधिकाऱ्यांनी शिताफीने रंगेहाथ पकडून जेलची हवा दाखविली आहे.
प्लॉट एन.ए. करण्यासाठी दहा हजारांची लाच मागितल्याप्रकरणी भुसावळ प्रांत अधिकारी कार्यालयातील अव्वल कारकून प्रतिभा मच्छिंद्र लोहार वय ४० वर्ष यांना नंदुरबार लाचलुचपत प्रतिबंधक विभागाने आज मंगळवार रोजी दुपारी अटक केल्याने प्रांताधिकारी कार्यालयात खळबळ उडाली आहे.
नंदुरबार लाचलुचपत विभागाने भुसावळ शहर पोलिस ठाण्यात लोहार यांच्या विरोधात गुन्हा दाखल करण्याची कारवाई सुरू केली आहे.भुसावळातील एका तक्रारदाराने प्लॉट एन.ए. करण्यासाठी प्रांताधिकारी कार्यालयात प्रस्ताव सादर केला होता. काम होण्यासाठी संशयित आरोपी प्रतिमा लोहार यांनी तक्रारदार यांच्याकडे दहा हजारांची मागणी केली होती. तक्रारदाराने यासंदर्भात थेट नंदुरबार लाचलुचपत विभागाकडे तक्रार नोंदवली होती. मात्र १७ सप्टेंबर २१ रोजी पथक आल्यानंतर लोहार यांना संशय आल्याने त्यांनी तक्रारदाराकडून लाच स्वीकारली नव्हती. मात्र लाच मागितल्याचे सिद्ध झाल्याने आज मंगळवार रोजी लोहार यांना अटक केल्यानंतर त्यांच्याविरोधात भुसावळ शहर पोलीस स्थानकात गुन्हा दाखल करण्याची प्रक्रिया सुरू करण्यात आली आहे. ही कारवाई नंदुरबार लाचलुचपत विभागाच्या निरीक्षक माधवी वाघ व त्यांच्या पथकाने केली आहे. दरम्यान सदर गुन्हा अधिक तपासासाठी जळगाव लाचलुचपत विभागाकडे वर्ग करण्यात येणार आहे.