चोपडा येथे आम आदमी पक्षाची बैठक उत्साहात संपन्न... अनेक कार्यकर्त्यांचा पक्ष प्रवेश...
चोपडा दि.२२(प्रतिनिधी) :--- येथील शासकीय विश्रामगृहात जळगाव जिल्ह्याचे सहसंयोजक विठ्ठलराव साळुंखे यांच्या अध्यक्षतेखाली आम आदमी पक्षाची बैठक उत्साहात संपन्न झाली. सदर बैठकीत नवीन सदस्यांचा पक्ष प्रवेश करण्यात आला.
सदर बैठकीत विविध विषयांवर चर्चा करण्यात आली त्यात नवीन सदस्यांचा पक्ष प्रवेश , तालुका व शहरात विविध ठिकाणी शाखा उघडणे , तसेच ३१ डिसेंबर अखेर चोपडा तालुक्यातून ५००० नवीन सदस्यांची नोंदणी करण्या संदर्भात सकारात्मक चर्चा करण्यात आली व नवीन सदस्य नोंदणी फॉर्म वितरीत करण्यात आले. येत्या काळात प्रत्येक वॉर्डांत व प्रत्येक गावात आम आदमी पक्षाची शाखा उघडून कार्यकारिणी गठित करून बोर्ड लावणे , नगर परिषद, पंचायत समिती, जिल्हा परिषद इत्यादी स्थानिक स्वराज्य संस्थांच्या निवडणुका लढविणे , दर पंधरवाडा , महिन्यात विविध समस्याबाबत निवेदने देणे , लोकांच्या समस्या सोडविणे , पक्षाचे कार्य जनतेपर्यंत पोहोचविणे आदी विषयांवर विस्तृत चर्चा करण्यात आली.
चहार्डी येथील मुकुंदराव पाटील, सिताराम पाटील, दीपक पाटील, अशोक पाटील ,गजेंद्र धोबी ,गोविंदा कोळी आदींनी आम आदमी पक्षात जाहीर प्रवेश केला.
सदर प्रसंगी विठ्ठलराव साळुंखे ( जिल्हा उपसंयोजक ) , आर डी पाटील ( तालुका संयोजक ), सुधीर पाटील ( शहर संयोजक ) ,समाधान बाविस्कर ( तालुका उपसंयोजक ) आदी उपस्थित होते...