मुंबई, दि२५:-
महाराष्ट्रातील एसटी कर्मचारी व माथाडी कामगार ह्यांना कोव्हिड योध्दे म्हणून तातडीने कोरोनाची लस देण्याची अंमलबजावणी मुंबई,ठाणे,पुणे, पालघर व नागपूर येथील लसीकरण केंद्रानी करावी असे आदेश राज्याच्या आरोग्य विभागाने नुकतेच जारी केले आहेत.
धडक कामगार युनियनचे नेते व अभिजीत युथ फौंडेशनचे अध्यक्ष अभिजीत राणे ह्यांनी पत्रे लिहून आरोग्य विभागाचे लक्ष वेधले.त्यानंतर खडबडून जाग आलेल्या मंत्रालयातील आरोग्य विभागाच्या प्रशासनाने एका पत्रकाद्वारे हे आदेश जारी करत त्याची अंमलबजावणी करून खात्यातील उच्चपदस्थांसह संबधित लसीकरणाची मागणी करणाऱ्या अभिजीत राणेंना त्यासंदर्भातील माहिती अवगत करावी अशी सूचना केली आहे.
अभिजीत राणे ह्यांनी दिव्यांग व मूकबधीर ह्यांना वयाची अट शिथील करून लसीकरणांत प्राधान्य द्यावे तसेच दारोदारी अनवाणी भटकणाऱ्या जैन साध्वी व साधूंनाही लस देण्यात यावी अशीही मागणी आरोग्य विभागाकडे पत्र लिहून केली होती. त्यांच्या ह्या मागणीसही प्रतिसाद देत त्यासंबधीचे आदेश स्वतंत्र पत्रकाद्वारे लसीकरण केंद्रांना दिले आहेत.
*रूग्णालयातील कंत्राट सेवेतील कर्मचाऱ्यांना कायम सेवेत प्राधान्य*
कोरोना महामारीच्या काळात कोव्हीड योध्द्यांची कंत्राटी पध्दतीने कांदिवलीच्या भारतरत्न डॉ बाबासाहेब आंबेडकर रूग्णालयात भरती करण्यात आली होती. दिवसरात्र जीवाची पर्वा न करता कंत्रांटी योध्यांनी रूग्णालयाचे शिस्तबध्द कामगार म्हणून कामगिरी बजावली.ह्यासंदर्भात अभिजीत राणे ह्यांनी मुंबई मनपाच्या सार्वजनिक आरोग्य समितीच्या अध्यक्षा प्रवीणा मनिष मोरजकर ह्यांचे पत्र लिहून लक्ष वेधले व ह्या कंत्राटी कामगारांना मनपाच्या रूग्णालयात कायमस्वरूपी सेवेत सामावून घ्यावे अशी मागणी केली.अध्यक्षा मोरजकर ह्यांनी ही मागणी तात्काळ मान्य करत मनपाच्या आरोग्य विभागास ह्या कर्मचाऱ्यांना कायम स्वरूपी सेवेत प्राधान्य देण्याच्यादृष्टीने कार्यवाही करावी अशी सूचनावजा विनंती केली आहे.
......................